top of page
Search

6 Julie 2026. Weeklikse Manna en Gebedsversoeke.

  • Writer: missions3
    missions3
  • Jul 2
  • 7 min read
Deo Volente Sending.
Deo Volente Sending.

6 Julie 2026.


Liewe Vriende.


“Die geloof dan is 'n vaste vertroue op die dinge wat ons hoop, 'n bewys van die dinge wat ons nie sien nie.” {Hebreërs 11:1}


Ons leef in 'n tyd waar mense net wil glo wat hulle kan sien. God roep ons egter om anders te leef. Geloof begin waar ons eie vermoëns ophou. Dit kyk verby die omstandighede en hou vas aan die beloftes van God. Al lyk die pad donker, weet geloof dat God reeds vooruit gegaan het. Al voel die las swaar, weet geloof dat sy hand steeds dra.


Miskien wag jy vandag op 'n deurbraak. Dalk bid jy vir genesing, voorsiening of die redding van 'n geliefde. Moenie moed opgee nie. God werk dikwels agter die skerms lank voordat ons sy antwoord kan sien. Hy is nooit laat nie, en Hy vergeet nooit sy kinders nie. Elke gebed wat in geloof gebid word, elke traan wat in vertroue gestort word en elke tree van gehoorsaamheid is kosbaar in sy oë.


Moenie jou geloof laat bepaal deur jou gevoelens of jou omstandighede nie. Laat dit bepaal word deur die onveranderlike Woord van God. Hou aan glo, hou aan bid en hou aan vertrou. Die God wat gister wonderwerke gedoen het, is dieselfde God wat vandag nog leef en môre steeds getrou sal wees.


Gebed: Hemelse Vader, dankie dat U altyd getrou is, selfs wanneer ek nie alles verstaan nie. Vul my hart met 'n onwankelbare geloof sodat ek elke dag met hoop, moed en vertroue in U kan leef, in Jesus Naam Amen.                                                                                                                                                                                  

Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914



“The first work of the whole Church is to give the Gospel to the whole world.”


“If God wills the evangelization of the world, and you refuse to support missions, then you are opposed to the will of God.”


“The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. ONDERGRONDSE CHRISTENE. Bid vir wysheid en veerkragtigheid vir ondergrondse kerke in plekke soos China, Laos, Jemen en Iran terwyl hulle intense monitering en druk trotseer. Vra die Here om kreatiewe maniere aan hulle te voorsien om in die geloof te groei en die Evangelie te bly deel. Tydens ʼn polisie-klopjag is Jinyi* se man, Zhang*, tronk toe gestuur weens sy betrokkenheid by hul huiskerk, en sy is alleen agtergelaat met twee kinders. Sy vra: “Bid asseblief vir ons. Ons jeugbyeenkomste moet ondergronds bly. En mense word nog steeds oorskadu deur vervolging en bly bang vir byeenkomste.” Bid dat God se Woord elke huishouding in China sal bereik, veral in streke waar die Evangelie onbekend of ongehoor is. Vra dat die Here getroue werkers soos Jinyi sal ophef en uitstuur. Kanya* en Phonesay* het byna alles vir hul geloof verloor, insluitend hul huis in Laos. Tog aanbid hulle steeds in die geheim. Kanya vra: “Bid dat ons sal vasstaan, ongeag wat gebeur, en Christus nooit sal verloën nie. Baie ontwortelde huiskerkleiers se kinders en ander jeugdiges word verbied om skool toe te gaan omdat hul ouers weier om hul geloof te verloën. Bid dat hierdie kinders se kennis en geloof sal groei.

  2. Ondergrondse Kerk. Bid dat God die ondergrondse studente- en jeuggroepe regdeur China met Sy magtige hand sal beskerm en versterk. Julie Bid vandag vir Geopende Deure se teenwoordigheidsbediening dat die Heilige Gees ons vennote sal lei, gegrond in die waarheid en vervul met God se liefde. Here, laat hierdie bediening aan U eer bring. Bid vir vervolgde leiers en werkers, soos Fuxi*, wat etniese minderhede bedien en die risiko van monitering en streng maatreëls in die gesig staar. Vra dat God haar wysheid sal gee. Bid vir volharding vir Ling*, ʼn ondergrondse gelowige wat ons tydens onlangse dissipelskap-opleiding van Geopende Deure ontmoet het. Haar familie het na hul bergdorpie in Suidwes-China teruggekeer om hul geloof te deel. Bid vir pastoor Khoun* (59), ʼn gelowige en leier van ʼn huiskerk in Laos, wie se huis vernietig is. Hy volhard egter en deel: “Die Bybel leer dat niks my skade kan berokken nie – nie geeste, toorkuns, gif of ander mense wat my wil seermaak nie. Ek staan sterk in my geloof, en ek weet my lewe is veilig by Jesus.”Bid vandag dat die owerhede ontwortelde kerkleiers sal toelaat om na hul huise terug te keer. Bid dat hulle hul harte sal versag en dat die owerhede God se liefde deur hierdie leiers se getuienis sal raaksien. Bid vir uithouvermoë en beskerming vir ondergrondse pastore en kerklidmate wat in die tronk opgesluit is. Bid dat God hul families sal bemoedig, versterk en vir hulle sal voorsien.

  3. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

  4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees.

  5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteun.

  6. Afrika Uitreike. Uitnodigings is ontvang vir Zimbabwe, Zambia, Mosambiek, Kenya en die Filipyne. Ons akkomodasie en kos word voorsien, ons is net verantwoordelik vir ons eie vliegtuig kaartjie. Bid asseblief saam vir Vader se voorsiening hiervoor.

Mag ‘n sendeling vir finansiële ondersteuning vra

Daar bestaan ’n wanopvatting dat die apostel Paulus “nooit geld gevra het nie” en dat geestelike werk daarom sonder finansiële ondersteuning behoort te geskied. Die Skrif wys egter presies die teenoorgestelde. Die Bybel leer uitdruklik dat dié wat voltyds in die evangelie dien, die reg het om deur gelowiges onderhou te word — en dat gelowiges die verantwoordelikheid het om te gee.

1) God self het hierdie reëling ingestel

“So het die Here ook bepaal dat dié wat die evangelie verkondig, van die evangelie moet lewe.”— 1 Korintiërs 9:14

Dit is nie ’n menslike idee nie. Die Here het dit bepaal. ’n Pastor wat voltyds bedien, tree dus binne God se orde wanneer hy finansiële ondersteuning vra.

2) Paulus sê uitdruklik hy het die reg om finansieel ondersteun te word

“As ons vir julle die geestelike gesaai het, is dit te veel as ons julle stoflike dinge maai?”— 1 Korintiërs 9:11
“Het ons nie die reg om te eet en te drink nie?”— 1 Korintiërs 9:4
“Wie dien ooit as soldaat op eie koste?”— 1 Korintiërs 9:7

Paulus argumenteer sterk dat dit normaal, regverdig en Bybels is dat geestelike werk materieel ondersteun word.

3) Hoekom het Paulus soms met sy hande gewerk?

“Maar ek het van geen van hierdie dinge gebruik gemaak nie…” 1 Korintiërs 9:15

Paulus sê self hy het gekies om soms nie van hierdie reg gebruik te maak nie — nie omdat dit verkeerd was om ondersteuning te ontvang nie, maar om struikelblokke in sekere plekke te vermy. Dit was ’n persoonlike keuse, nie ’n leerstelling vir alle pastore nie.

4) Paulus het wel finansiële ondersteuning ontvang

“Geen gemeente het met my in rekening van uitgawe en ontvangs gemeenskap gehad nie, behalwe julle alleen… julle het meer as een maal vir my behoeftes gestuur.”— Filippense 4:15–16

Dit bewys onteenseglik: Paulus het geld en hulp ontvang vir sy bediening.

5) Jesus het dieselfde beginsel geleer

“Die arbeider is sy loon werd.”— Lukas 10:7

Jesus het dit gesê toe Hy werkers uitstuur. Geestelike arbeid is werklike arbeid.

6) Gelowiges word beveel om te gee aan hulle wat die Woord bedien

“Laat hom wat onderrig ontvang in die woord, deel in al die goeie dinge met hom wat onderrig gee.”— Galasiërs 6:6

Dit is nie ’n voorstel nie — dit is ’n opdrag.

Duidelike gevolgtrekking (sonder twyfel)

  • ’n Voltydse pastor of sendeling het die Bybelse reg om finansiële ondersteuning te vra.

  • Gelowiges het die Bybelse plig om te gee.

  • Paulus se tentmaker-werk was ’n uitsonderlike, vrywillige keuse, nie ’n standaard vir almal nie.

  • Om finansiële ondersteuning te vra vir voltydse bediening is in lyn met God se Woord en orde.

Dit is dus volkome Bybels, reg en verantwoordbaar dat ’n pastor wat voltyds die evangelie bedien, gelowiges mag vra om hom finansieel te ondersteun.


                                                                                                                                                  

 




Groete in Jesus Christus.

‘n Wonderlike Geseënde Week vir elkeen.

Johan Lourens.


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


 You can also deposit donations via Capitec Cellphone Banking just use Cell Number: 0618163516.


Bank Accounts Ministry:

Capitec Bank, Branch: 470010, Account: 153 718 3077.{Sending/Mission}

First National Bank:FNB: Branch:250655.Account: 63 0834 99260. {Local}


Help to expand God's Kingdom by making an voluntary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Comments

Committed to Bringing Glory to His Name
  • Whatsapp
  • Telegram
bottom of page