April 2024 Sending Terugvoer

April 2024. Sending Terugvoer.

Liewe Geestelike Familie en Wonderlike Ondersteuners in Christus Jesus.

Met dankbaarheid in ons harte en lof tot die Here wil ons graag uitgebreide terugvoer oor ons ervarings en bediening in Winburg gedurende die maand van April 2024 met julle deel. Ons vind 'n besondere betrokkenheid by die verse, "Laat julle lig so skyn voor die mense, dat hulle jul goeie werke kan sien en julle Vader wat in die hemele is, verheerlik." - Matteus 5:16

Ons het 'n maand gelede in Winburg ingetrek en dit is 'n groot voorreg om te sien hoe God se hand in ons bediening werk. Die Afrika Bediening en die groei van ons sosiale media platforms gee getuienis van wonderwerke en harte wat geraak word. Elke getuienis is 'n bevestiging dat ons op die regte weg is en dat God deur ons werk besig is om harte te raak en te verander.

Die Afrika Opleiding Blom onder die verskeie Koordineêrders. Hou asseblief vir Geoffrey, Raphael, Jackson, Moses, Fredson, Gloria, Precious, Fred, Alex, Xavier, Anastancio, Samuel, Foster, Ephaus, Peter en Lazarus en hulle gesinne in julle almal se gebede.

Op 'n plaaslike vlak het die nuwe jeugbediening deur Simeon en Joshua 'n helder lig vir die jongmense van die gemeenskap. Die eerste jeugbyeenkoms was 'n sukses en dit is hartverwarmend om die entoesiasme en groei in hulle te sien.

Johan het 'n paartjie in die huwelik bevestig. Die huweliks leêr is nog by Paarl Binnelandse Sake en moet nog oorgeplaas word na Welkom voordat hy kan registreer. Bid asseblief dat die leêr spoedig oorgeplaas word.

Het ook 'n leiersbyeenkoms in Maketla en 'n Gideons-vergadering in Senekal bygewoon.

Die nederigheid en geestelike honger in die gemeenskap het ons geloof versterk en ons oë oopgemaak vir die wydverspreide impak van bediening.

Elke dag in Winburg is 'n nuwe geleentheid om God se liefde en genade te deel met die mense om ons heen. Ons is dankbaar vir die geleenthede en vir jul konstante ondersteuning en gebede wat ons elke dag dra. Dit is 'n seën om deel te wees van hierdie gemeenskap van gelowiges wat saamwerk om God se rykdom en liefde te verkondig.

Ek sluit hierdie terugvoer af met 'n gebed:

Hemelse Vader, ons dank U vir die geleenthede en wysheid wat U ons gee in ons bediening. Mag elke familie lid en ondersteuner voortgaan om lig te wees waar hulle is, en mag ons getuienis die liefde en heerlikheid van ons Vader in die hemel weerspieël. Laat ons aanhou om te strewe na die verspreiding van sy koninkryk en die opbou van elke siel wat ons ontmoet. Mag U lig skyn deur elkeen se gebede, werke en saad en mag ons almal deel word van U plan om liefde en hoop te versprei in Winburg en verder. Versterk ons elkeen terwyl ons voortgaan om te dien in Jesus Naam, Amen.

Met diep dankbaarheid en liefde in Christus,

Die Lourens Gesin.

N.S. As u op die N1 reis na of vanaf die Kaap STOP Asseblief op Winburg vir 'n besoek. Ons is net 4km af van die N1.

Vir U offergawe en saad.

Absa Bank. 93-6104-5805.