top of page
Search

6 November 2023. Weeklikse Manna en Gebedsversoeke.

  • Writer: missions3
    missions3
  • Nov 4, 2023
  • 6 min read



Gebednet


6 November 2023.


Beste Vriende.


"Hy gee die vermoeide krag en vermenigvuldig sterkte vir die wat geen kragte het nie. Die jonges word moeg en mat, en die jongmanne struikel selfs; maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie. ." {Jesaja 40:29-31.}


Hierdie woorde uit die Boek van Jesaja herinner ons daaraan dat ons nooit alleen is nie. In tye van moedeloosheid en swakheid, wanneer die lewenspad donker en onseker lyk, is daar 'n bron van hoop en bemoediging wat ons kan vind in ons geloof. Dit is in ons tye van swakheid dat God se krag in ons die helderste skyn.


As ons na onsself kyk, kan ons dikwels voel asof ons nie die uitdagings van die lewe kan oorwin nie. Maar in die Bybel hoor ons keer op keer van God se belofte om ons te versterk en ons te ondersteun deur alle omstandighede. Hy gee ons die krag om deur te druk en te oorwin, selfs wanneer ons eie krag uitgeput raak.


Ons kan ook 'n groot bron van bemoediging vind in mekaar. In ons medemens se vriendelikheid, ondersteuning en liefde vind ons dikwels die krag om aan te hou en nie op te gee nie. Dit is 'n herinnering dat ons nie alleen in hierdie reis is nie en dat ons gemeenskap en liefde kan deel met mekaar.


Ons moet nooit die krag van gebed onderskat nie. In gebed kan ons ons hart oopmaak vir God en ons gevoelens van moedeloosheid en swakheid met Hom deel. Ons kan Hom vra om ons te versterk, ons te lei en ons te bemoedig in tye van nood. Laat ons dus nooit ophou om vir mekaar te bid nie.


Gebed: Liewe Hemelse Vader, Ons kom tot U in tye van swakheid en moedeloosheid, en ons dank U vir U Woord wat sê dat U krag gee aan die moeë. Hierdie week bid ons vir daardie krag. Ons vra dat U ons harte versterk wanneer ons voel asof ons nie meer kan nie. Gee ons die moed om voort te gaan, selfs wanneer die pad donker en onseker lyk. Dankie vir die gemeenskap van mense om ons heen wat ons bemoedig en ondersteun. Mag ons ook 'n bron van bemoediging wees vir ander wanneer hulle dit nodig het. Ons weet dat U luister na ons gebede, en ons vertrou op U om ons te lei en te ondersteun deur elke uitdaging wat voorlê. Dankie vir U onvoorwaardelike liefde en genade. In die naam van Jesus Christus, ons Verlosser, bid ons dit, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF:https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“We are not fundamentally free; external circumstances are not in our hands, they are in God’s hands, the one thing in which we are free is in our personal relationship to God. We are not responsible for the circumstances we are in, but we are responsible for the way we allow those circumstances to affect us; we can either allow them to get on top of us, or we can allow them to transform us into what God wants us to be.”-OSWALD CHAMBERS


Gebedsversoeke om voor die voete van Vader te lê:

  1. Saoedi-Arabië. Die begrip van ʼn dienende leierskap is vreemd in die Saoediese kultuur en word dikwels as ʼn swakheid gesien. Bid vir kerkleiers om Bybelse leierskap na te streef en vir ʼn verandering in hul houding wanneer hulle die krag van diensbare leierskap ervaar.

  2. Nigerië. Gewelddadige vervolging is veral vernietigend vir jongmense en plaas hul toekoms in die gedrang. Bid dat die jeug in Nigerië wat deur vervolging geraak word standvastig in hul geloof sal bly en gemeenskappe sal vind wat hul pad met Christus kan aanmoedig.

  3. Colombië. Prys God dat kinders wat gewelddadige vervolging in die gesig staar by Geopende Deure se Kindersentrum in Colombië in geloof versorg en gekoester word. Bid dat hulle sal aanhou groei in hul geloof en ʼn lig vir hul generasie sal wees.

  4. Burkina Faso. Sowat 5,2 miljoen Christene woon in Burkina Faso, wat 23% van die land se bevolking uitmaak. Hulle het bygedra om die land te stabiliseer en tot onafhanklikheid te lei. Dank die Here vir die Kerk se teenwoordigheid in Burkina Faso en vir die groot bydrae wat hulle gemaak het.

  5. Mali. Naomi* is ʼn Christen in Mali wat nie deur die geweld verhard is nie. “Ek moet selfs aan my grootste vyande liefde betoon,” sê sy. Prys die Here vir haar Goddelike naasteliefde.

  6. Kameroen. Boko Haram val aanhoudend burgerlikes in die verre noordelike streek aan. Bid vir meer aktiewe optrede deur die owerhede om die gevolglike veiligheidsuitdagings aan te spreek.

  7. Soedan. In Soedan word Christen-vroue wat vanaf Islam tot bekering kom dikwels in huwelike gedwing en aan huishoudelike geweld blootgestel. Hef Christene vanuit ʼn Moslem-agtergrond op in gebed en bid dat hulle hul waarde as God se kinders sal besef.

  8. Broenei. Jongmense het veilige plekke nodig om bymekaar te kom en dinge met hul mentors te deel. Bid dat God vir hulle deure sal open vir ʼn plek waar hulle kan bymekaarkom om hul geloof te ontwikkel en God se Woord vrylik te ontdek.

  9. Eritrea. Gelowiges word fyn dopgehou, gevange geneem en gebrandmerk. Bid dat die houding teenoor hulle sal verander. Bid dat moedige Christene vrylik kan getuig oor hul volharding, selfs wanneer dit moeilik is.

  10. Sentraal-Asië. Prys God dat hulp verleen word aan Christen-bekeerlinge vanuit Islam en Moslem-vlugtelinge wat nou die Evangelie kan aanhoor. Talle het hul lewens aan Jesus gegee en wil gedoop word. Dank God vir hoop in uiters moeilike tye.

  11. Viëtnam. Bid voortdurend vir gelowiges wat vir vals aanklagte opgesluit en gemartel word. Bid dat God hulle sal versterk om hul gevangenskap te verduur en dat Hy hul gesinne by die huis sal bystaan.

  12. China. Hef Geopende Deure-vennote wat aanhou werk in China se vasteland op in gebed. Dank God vir hul diens en bid dat hul werk sal help om die Koninkryk van God in dié streek uit te brei.

  13. Hande. Bid asseblief vir my hande waarin ek Kardio Tonnel Sindroom het. Die regte hand is die ergste en is rekenaar tik en skryf ‘n geweldige uitdaging vir my. Bid asseblief vir volkome genesing, maar as Vader die dokters wil gebruik dat daar voorsiening sal wees ook daarvoor.

  14. Sending. Bid asseblief vir al ons sending koordineërders in Zambia, Zimbabwe, Malawi, Mosambiek, Uganda, Kenya en Tanzania. Almal werk vrywillig en staan in die geloof in God se Koninkryksdiens en het elkeen sy eie uitdagings. Bid vir Gesondheid, Beskerming, Finansies, Families en elkeen se UNIEKE Bediening. Bid ook vir ons plaaslike koordineërders.

  15. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  16. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan of camper sal kry. Dit is ‘n krises tans, maar ons weet God sal voorsien en is nooit te laat nie.

*Name is vir sekuriteitsredes verander.


Groete in Jesus Christus.

Wonderlike Week vir elkeen.

Johan Lourens


Baie, baie dankie vir elkeen wat *Bid* vir ons. Baie. *Baie dankie* vir elkeen wat ons en die bediening *ondersteun*. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

  1. Daily Intersession and Prayer. https://missions3.wixsite.com/gennesaret-ministry

  2. Internet counseling and coaching. https://missions3.wixsite.com/gennesaret-ministry

  3. Weekly Devotions, https://lourensministries.wordpress.com & https://missions3.wixsite.com/gennesaret-ministry/blog

  4. National Director for Change a Nation. https://missions3.wixsite.com/gennesaret-ministry

  5. Prophetic Ministry. https://missions3.wixsite.com/gennesaret-ministry

  6. Marriage Preparation. https://missions3.wixsite.com/gennesaret-ministry

  7. Leadership training-Africa Countries.{Malawi, Kenya, Zambia & Mozambique} https://missions3.wixsite.com/gennesaret-ministry

Please visit the prayer postbox at: https://missions3.wixsite.com/gennesaret-ministry

Website:https://missions3.wixsite.com/gennesaret-ministry

P.O.Box 144, Strand, 7139.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or

https://gogetfunding.com/deo-valente-mission/


You can also deposit donations via Capitec Cellphone Banking just use Cell Number: 0618163516.


Bank Accounts: Absa Bank, Branch: 632005, Account: 93 6104 5805


Give a gift today, impact lives eternally. Your generosity is changing lives throughout the world.


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference

We support the ministry by doing various freelance-service. For more info please visit: https://missions3.wixsite.com/johanfreelance


 
 
 

Comments

Committed to Bringing Glory to His Name
  • Whatsapp
  • Telegram
bottom of page