top of page
Search

3 Februarie 2025. Weeklikse Manna en Gebedsversoeke.

  • Writer: missions3
    missions3
  • Feb 2
  • 6 min read
Deo Volente Sending
Deo Volente Sending

3 Februarie 2025.


Liewe Vriende.


“En jou ore sal 'n woord agter jou hoor wat sê: Dit is die weg, wandel daarop! wanneer julle regs of wanneer julle links wil gaan.” Jesaja 30:21


In die lewe is daar dikwels soveel keuses om te maak, dat ons soms nie weet watter rigting om in te gaan nie. Maar, as ons op die regte pad wil wees, moet ons nie net op ons eie krag vertrou nie, maar ook in God se leiding. Jesaja 30:21 herinner ons aan daaraan: “Dit is die weg, wandel daarop!”


Hierin word die belofte gemaak dat God ons sal lei, selfs in die moeilikste tye. Hy sal nie net die pad vir ons wys nie, maar sal ons ook lei deur die stil stem wat ons in ons harte hoor – ‘n stem wat ons herinner aan wat reg is, wat goed is, wat heilig is. Maar die vraag is: Luister ons daarna?


So dikwels wil ons die pad kies wat vir ons die maklikste lyk. Ons wil soms die kortpad neem, die maklikste opsie, of die pad wat die minste weerstand bied. Maar die Here sê in Jesaja 30:21 dat ons moet luister en volg wat Hy vir ons sê. Dit gaan nie altyd oor wat ons wil nie, maar oor wat God vir ons beplan.

Gehoorsaamheid is nie altyd maklik nie, maar dit is die pad wat uiteindelik die grootste vrug sal dra. Dit is wanneer ons onsself aan God toewy en Hom toelaat om ons rigting te bepaal, dat ons werklik in Sy vrede sal leef. God is ons gids en ons Helper, en Hy weet beter as ons wat ons regtig nodig het.


Wanneer ons besef dat God se plan vir ons beter is as ons eie, begin ons om in ‘n ander rigting te beweeg. Soms moet ons, ons drome, ons ambisies, en selfs ons werk prysgee en vertrou dat God se plan die beste vir ons is, al lyk dit nie altyd soos wat ons verwag het nie.


Wanneer ons die moed het om alles in God se hande te plaas, begin ons ‘n pad loop wat nie net ons behoeftes vervul nie, maar wat ons geestelik laat groei. Soms mag die pad lank wees of vol struikelblokke, maar God het beloof dat Hy saam met ons sal wees, selfs wanneer die pad nie altyd maklik is nie. Elke keer wat ons na Hom luister, lei Hy ons een stap nader aan die volle vervulling van Sy wil vir ons lewe.


Gebed: Dankie Vader vir die belofte dat U ons sal lei. U Woord sê dat ons ore die pad sal hoor wat U vir ons het, en ons kom vandag voor U om U rigting en wysheid te vra. Help ons om ons harte oop te maak en na U stem te luister, selfs wanneer ons nie altyd verstaan nie. Gee ons die moed om te vertrou op die pad wat U vir ons voorberei het, al lyk dit dalk nie altyd soos ons gedink het nie. Help ons om die pad van gehoorsaamheid en liefde te stap, en om U te volg waar U lei. Gee ons die krag om nie ons eie pad te soek nie, maar om in u wil te wandel. Mag ons lewe ‘n getuienis wees van U genade en leiding.In Jesus se Naam bid ons dit, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  2. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  3. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan/camper of parkhome sal kry. Dit is ‘n krises tans, maar ons weet God sal voorsien en is nooit te laat nie.

  4. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Enige bydrae sal verskriklik waardeer word. Maak die verwysing die land wat u ondersteun.

  5. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

  6. Afganistan. Vra God om die geheime Christene te beskerm, aangesien hulle nie openlik as volgelinge van Christus kan lewe nie. Bid dat God die harte van die wrede Taliban-regering sal aanraak, selfs al bly hulle aan bewind. Bid vir ʼn geloofsgemeenskap en hoop vir die duisende Afgaanse vlugtelinge wat steeds in gevaar is omdat hulle Jesus volg.

  7. Iran. Bid dat God die netwerk van geheime huiskerke sal beskerm en vir hulle wysheid sal gee. Bid vir die geestelike en fisiese welstand van Christen-gevangenes en hul gesinne. Bid dat God die Kerk in Iran sal seën en beskerm soos dit groei en die Evangelie deel.

  8. Pakistan. Vra dat God die besluitnemers in Pakistan se harte rakende wetgewing oor Godslastering sal verander. Bid dat die Christene vreugde in hulle daaglikse lewens sal vind, wetende dat hulle nie in God se oë tweedeklasburgers is nie. Vra dat God die Christen-vroue in Pakistan, wat gedwing word om met Moslems te trou, sal beskerm.

  9. Indië. Prys God vir die bemoedigende verkiesingsresultate. Bid dat die nuwe regering die regte van alle Indiërs sal beskerm, insluitende Christene. Bid vir vrede en versoening vir die Christene in Manipur terwyl hulle besig is om hul lewens te herbou ná die geweld wat in 2023 plaasgevind het. Bid vir beskerming vir die kerkleiers wat onder die anti-bekeringswetgewing valslik beskuldig word.

  10. Saoedi-Arabië. Bid dat gelowiges hier ʼn plek sal vind om te aanbid en te groei in hul kennis van die Here. Bid vir Christen-immigrante wat in die geheim vergader en vra vir God se beskerming oor hulle en dat Hy vir hulle wysheid sal gee. Bid dat God almal sal seën wat uitreik om die Evangelie in Saoedi-Arabië te deel.

  11. Mosambiek. Bid dat gelowiges in die noordelike dele van Mosambiek te midde van die onstabiliteit en geweld beskerm sal word. Bid dat God die Christene wat deur gewelddadige aanvalle getraumatiseer is, sal vertroos en genees. Bid vir die beskerming van Geopende Deure-vennote in hul pogings om die Christene se geloof te versterk.

  12. Noord-Korea.Bid dat Christene binne en buite Noord-Korea God se lig te midde van die donkerte sal sien. Bid dat God uitkoms aan die 400 000 geheime gelowiges sal gee sodat hulle saam met ander Christene kan aanbid. Bid dat God sy vrede aan hierdie dapper gelowiges sal gee.

Groete in Jesus Christus.

‘n Wonderlike Geseënde Week vir elkeen.

Johan Lourens


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministr:

Capitec Bank, Branch: 470010, Account: 153 718 3077.

{Account Holder:Sending/Mission}


“Some wish to live within the sound of church and chapel bell. I want to run a rescue shop within a yard of hell!” (C.T. Studd)


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference



 
 
 

Comments

Committed to Bringing Glory to His Name
  • Whatsapp
  • Telegram
bottom of page