top of page
Search

26 Mei 2025. Hemelvaart Boodskap en Gebedsversoeke.

  • Writer: missions3
    missions3
  • May 24
  • 8 min read

Deo Volente Sending
Deo Volente Sending

26 Mei 2025


Liewe Vriende.


“Toe Hy dit gesê het, is Hy opgeneem terwyl hulle toekyk, en ‘n wolk het Hom uit hulle gesigsveld weggeneem. Terwyl hulle, soos Hy weggaan, stip na die hemel bly kyk, staan daar meteens twee mans in wit klere by hulle en vra: “Galileërs, waarom staan en staar julle na die hemel? Hierdie Jesus, wat van julle na die hemel weggeneem is, sal net so terugkom soos wat julle Hom na die hemel sien weggaan het.” {Handelinge 1:9-11}


Op Donderdag 29 Mei 2025 vier ons die Hemelvaart van ons Here Jesus Christus. Dit is die dag waarop ons herinner word aan die wonder van Jesus se opneming na die hemel, na sy voltooide werk op aarde. Dit is 'n dag van refleksie, van dankbaarheid, en van hoop, omdat ons weet dat Jesus vir ons gaan plek voorberei het, en dat Hy weer sal terugkeer, soos die Engele aan die dissipels gesê het.


Ongelukkig het die regering hierdie dag as 'n publieke vakansiedag afgeskaf. Dit is 'n verlies vir die nasie, want Hemelvaart is nie net 'n feesdag vir Christene nie, maar 'n belangrike oomblik in die Christelike kalender wat herinner aan die Majesteit en Heerskappy van Jesus Christus, wat na die hemel opgeneem is en wat een dag in glorie terug sal keer.


Maar selfs al erken die regering nie meer hierdie dag, beteken dit nie dat ons as Christene nie hierdie heilige dag steeds moet eer en eerbiedig nie. Die Hemelvaart herinnert ons aan die belofte van die tweede koms van Christus en die roeping wat ons het om sy evangelie te verkondig. Dit is nie 'n dag wat ons net kan afmaak of ignoreer nie. Dit is 'n dag wat ons as gelowiges moet gebruik om die werk van God in ons lewens en in die wêreld voort te sit, in gehoorsaamheid aan die opdrag wat Jesus aan ons gegee het.


Die Hemelvaart van Jesus is een van die wonderlikste en mees betekenisvolle gebeurtenisse in die Christelike geloof. Dit is nie net die einde van sy aardse bediening nie, maar ook die begin van 'n nuwe era waarin die gelowiges die Heilige Gees sou ontvang om die werk wat Jesus begin het, voort te sit. Die dissipels het geskrik, verwonder en seker ook bevrees gestaar na die hemel. Dit was die laaste keer wat hulle Jesus in sy menslike vorm gesien het. Die wolk wat Hom weggeneem het, was nie net simbolies van sy hemelvaart nie, maar dui ook op die mag en heerskappy wat Hy oor die hele skepping het.


Wanneer die engele aan die dissipels vra, "Waarom staan en staar julle na die hemel?" herinner hulle die nie net aan die gebeurtenis wat hulle pas gesien het nie, maar ook aan die werk wat voor hulle lê. Die dissipels moes nie in passiwiteit verval nie. Die opdrag wat Jesus vir hulle gegee het—om sy getuies te wees tot die uithoeke van die aarde—was die roeping wat hulle nou moes vervul. Die Heilige Gees sou kom en hulle bemagtig om hierdie taak uit te voer. Die vraag aan die dissipels is ook aan ons vandag gerig: waarom staan ons en staar ons na die hemel? God roep ons om die wêreld in te gaan, om te dien en om sy koninkryk te verkondig in die daaglikse lewe.


Die belofte wat Jesus gemaak het, is een van hoop: "Hy sal net so terugkom, soos julle Hom na die hemel sien weggaan het." Dit herinner ons aan die tweede koms van Christus, die wederkoms wat ons met groot verwagting en hoop kan uitsien na. Dit is 'n belofte van herstel, van vernuwing, en van volle vreugde. Tot daardie dag roep God ons om elke dag in Sy diens te leef, nie in stilte nie, maar in aksie.


Gebed: Here Jesus, Dankie dat U na die hemel opgeneem is, en dat ons die hoop het dat U weer sal terugkom in glorie. Help ons om nie stil te staan nie, maar om U koninkryk te bou in elke hoek van die aarde, selfs al word ons omstandighede verander. Mag ons die vreugde van U teenwoordigheid in ons harte dra, en mag ons voortgaan om U te eer, te dien, en te verkondig, elke dag van ons lewens, in Jesus Naam, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. DRK. Bid vir die Demokratiese Republiek van die Kongo se oostelike provinsie,waar duisende mense in ekstremistiese aanvalle gesterf het. Bid vir vertroosting en krag vir hul geliefdes.Bid dat die Here kalmte sal bring en die ekstremiste sal stilmaak. Bid dat die regeringsekuriteit doeltreffend sal wees en dat God die voortdurende bloedvergieting sal beëindig. Bid dat Christene in die Noord-Kivu-provinsie ten spyte van die onsekerheid sterk sal bly in hul geloof. Vra God om aan kerkleiers wysheid te gee terwyl hulle hul gemeentes lei om bakens van hoop te wees.

  2. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  3. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  4. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan/camper of parkhome sal kry. Dit is ‘n krises tans, maar ons weet God sal voorsien en is nooit te laat nie.

  5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Enige bydrae sal verskriklik waardeer word. Maak die verwysing die land wat u ondersteun.

  6. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

  7. Maand-Einde Verpligtinge. Bid asseblief en roep uit saam met ons na Abba Vader vir SY wonderwerk voorsiening. Ons is al in die tweede week van die nuwe maand en is nog nie in staat om ons maand-einde verpligtinge na te kom nie. Die kar se lisensie het ook verval en moet dringend hernu word.

  8. GROEI TEN SPYTE VAN TEENSTAND. Tog het baie van die mense wat hulle prediking gehoor het, gelowig geword; en die getal gelowiges het aangegroei tot omtrent vyf duisend. (Handelinge 4:4). Ten spyte van dreigemente van godsdiensleiers het die apostels die opstanding van Jesus met vrymoedigheid verkondig. Deur hulle prediking, bemagtig deur die Heilige Gees, het ongeveer 5 000 mans geglo. Teenstand kon nie die Evangelie keer nie; in plaas daarvan het dit die groei van die Kerk versnel terwyl die waarheid met krag verkondig is. Bid en Vra die Vader om getroue boodskappers op te rig wat Jesus Christus met vrymoedigheid sal verkondig, selfs onder druk van owerhede of kulturele teenstand. • Bid dat die Heilige Gees harte van luisteraars voorberei om die Woord met geloof en begrip te ontvang. Vra die Here om elke uitdaging of teenstand wat die Kerk in die gesig staar, te verander in 'n platform vir groter getuienis en geestelike deurbraak.

  9. VERVOLGING HET DIE KERK VERSTERK. Die gelowiges wat uitmekaar gejaag is, het so ver as wat hulle gegaan het, die evangelie verkondig. (Handelinge 8:4).Vervolging het gelowiges uitmekaar gejaag, maar ook die Kerk versterk. Terwyl hulle gevlug het, het hulle voortgegaan om die Evangelie te verkondig. Ten spyte van lyding was hulle gevul met vreugde en die Heilige Gees en het die boodskap van Christus versprei waar hulle ook al gegaan het. Bid en Vra die Here om die Kerk te versterk en aan te moedig om voort te gaan om die Evangelie te deel,selfs in die aangesig van teenstand en vervolging. Vra die Heilige Gees om die Kerk te vul met vreugde, vrede en onwrikbare geloof, selfs in tye van beproewing en swaarkry. Vra die Here om elke uitdagende seisoen te gebruik om Sy Koninkryk te bevorder en gelowiges te versprei om Sy Woord met moed en krag te verkonding.

  10. WONDERWERKE EN GENESINGS. Al die mense het gesien dat hy loop en God prys. (Handelinge 3:9).Wonderwerke en genesings het plaasgevind deur die apostels se geloof in die naam van Jesus. Petrus het 'n kreupel man genees en deur die apostels is baie genees deur tekens en wonders. Bid en Vra die Here om die Kerk te bemagtig om met vrymoedigheid die genesende krag van Jesus se naam te verkondig en te demonstreer. Vra die Vader om geloof binne die Kerk aan te wakker sodat wonderwerke 'n natuurlike uitvloei van haar vertroue in Sy krag word. Vra die Here dat Sy teenwoordigheid so tasbaar in die Kerk sal wees dat selfs deur die eenvoudigste dade, Sy genesing en verlossing na behoeftiges sal vloei.

  11. DIE WOORD VAN GOD HET VINNIG VERSPREI. Maar die woord van God het verder versprei en veld gewen. (Handelinge 12:24).Die Woord van God het kragtig versprei, selfs te midde van uitdagings. Soos die apostels getrou en Gees-bemagtig gebly het, het die aantal dissipels vinnig gegroei – selfs priesters het hulle tot Christus gewend.Ten spyte van vervolging en teenstand, het die Evangelie voortgegaan om te vermeerder en uit te brei,wat bewys dat God se Woord onstuitbaar is wanneer dit met vrymoedigheid en waarheid verkondig word. Bid en Vra die Here om Sy Woord vinnig en kragtig deur die Kerk te laat versprei en stede en nasies te verander. Vra die Heilige Gees om vrymoedigheid by gelowiges aan te wakker om die Evangelie met duidelikheid,liefde en waarheid te verkondig. Vra die Here om getroue leraars en evangeliste op te rig wat Sy Woord met wysheid sal bedien, wat herlewing en dissipelskap in die Kerk sal aanwakker.








Groete in Jesus Christus.

‘n Wonderlike Geseënde Week vir elkeen.

Johan Lourens


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.


Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.


or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Account Ministry:

Capitec Bank, Branch: 470010, Account: 153 718 3077. Account Holder: Sending.


Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Komentarze

Committed to Bringing Glory to His Name
  • Whatsapp
  • Telegram
bottom of page