top of page
Search

22 Januarie 2024. Weeklikse Manna en Gebedsversoeke.

  • Writer: missions3
    missions3
  • Jan 19, 2024
  • 5 min read
ree

Deo Volente Sending

Weeklikse Manna en Gebedsversoeke.


22 Januarie 2024


Beste Vriende.


“Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle 'n hoopvolle toekoms te gee.” {Jeremia 29:11}


Here, ons Hemelse Vader, Ek kom tot U in nederigheid en vra vir U seën en leiding tydens hierdie reis van verandering en nuwe avonture. Ons verlaat die bekende vir die onbekende, maar ek vertrou op U om ons te lei elke tree van die pad af. As ek die blik op die reis van Somerset Wes na Winburg rig, besef ek dat hierdie reis nie net 'n fisiese beweging is nie, maar ook 'n geestelike ontdekkingsreis. Die Bybel herinner ons in Spreuke 3:5-6: "Vertrou op die Here met jou hele hart en steun nie op jou eie insig nie. Ken Hom in al jou weë, dan sal Hy jou paaie gelyk maak." Hierdie verse herinner ons dat, selfs in tye van verandering, ons volle vertroue op God moet plaas. Hy is die Een wat die pad vir ons voorberei en elke stap van die pad ken.


In Jeremia 29:11 lees ons: "Want Ek weet watter planne Ek vir julle het, sê die Here, planne van voorspoed en nie van onheil nie, om aan julle 'n hoopvolle toekoms te gee." Hierdie vers bring vrede in ons harte te midde van die onsekerheid van 'n nuwe begin. God se planne vir ons is altyd vol liefde en hoop, en sal onsvol vertroue voortgaan, wete dat Hy ons toekoms in Sy hande hou.


Die idee om die bekende te verlaat vir die onbekende mag vrees inboesem, maar 2 Timoteus 1:7 herinner ons: "Want God het ons nie 'n gees van vreesagtigheid gegee nie, maar van krag en van liefde en van selfbeheersing." Hierdie versoek moedig ons aan om die pad met 'n gees van krag en liefde te betree, en om elke dag met selfbeheersing en geloof te leef.


GEBED: Mag ons elke oomblik van hierdie reis benut om God se liefde, genade en leiding te ervaar. Mag ons harte oop wees vir die avontuur wat voorlê, en mag ons altyd onthou dat ons nie alleen reis nie, maar dat God ons elke tree van die pad vergesel, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“We are not fundamentally free; external circumstances are not in our hands, they are in God’s hands, the one thing in which we are free is in our personal relationship to God. We are not responsible for the circumstances we are in, but we are responsible for the way we allow those circumstances to affect us; we can either allow them to get on top of us, or we can allow them to transform us into what God wants us to be.”-OSWALD CHAMBERS


Gebedsversoeke om voor die voete van Vader te lê:

  1. Egipte. Jong mans in Egipte is onder druk om aan hul gesinne te voorsien en het geen ander keuse as om by gevaarlike steengroewe te werk nie. Bid vir beter gesondheid-en veiligheidstandaarde om lewensgevaarlike ongelukke te verminder.

  2. China. Bid vir Geopende Deure se plaaslike vennote in China om skeppende maniere te vind om gelowiges in die mees beperkte gebiede te bedien. Vra God om hulle te beskerm en in alle omstandighede van wysheid te voorsien.

  3. Mianmar. Wanneer die owerhede evangelisasie vermoed, span hulle subtiele maar vernietigende vervolging in. Gelowiges kan op vals aanklagte tronkstraf opgelê word of hul bankrekenings kan gevries word. Vra God om moed en krag aan Mianmar se Christene te gee.

  4. Kameroen. Kameroen is met baie natuurlike en menslike hulpbronne geseën, maar armoede bly steeds wydverspreid. Bid dat die Here genoeg reën aan almal sal voorsien vir die kweek van hulpbronne om hul gesinne te onderhou.

  5. Soedan. Bid vir God se hand met die bou van ʼn veerkragtige Kerk in Soedan wat sterk staan in die aangesig van vervolging.

  6.  Noord-Korea. Christene in strafkampe werk lang ure, met die bedreiging van ondervraging en geweld. Hulle kan skaars in die oorvol tronkselle beweeg. Bid dat hulle uit dié kampe bevry sal word.

  7. Sri Lanka. Hindoe-ekstremiste in Sri-Lanka voer haatveldtogte teen Christene uit. Bid vir verdraagsaamheid tussen godsdienstige groepe en bid dat goedhartigheid mense se harte sal vul.

  8. Sending. Bid asseblief vir al ons sending koordineërders in Zambia, Zimbabwe, Malawi, Mosambiek, Uganda, Kenya en Tanzania. Almal werk vrywillig en staan in die geloof in God se Koninkryksdiens en het elkeen sy eie uitdagings. Bid vir Gesondheid, Beskerming, Finansies, Families en elkeen se UNIEKE Bediening. Bid ook vir ons plaaslike koordineërders.

  9. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  10. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan of camper sal kry. Dit is ‘n krises tans, maar ons weet God sal voorsien en is nooit te laat nie.

  11.  Verhuising. Einde Maart 2024 verhuis ons vanaf Somerset Wes na Winburg. Bid asseblief saam vir die totale verhuising aangesien om te verhuis traumaties kan wees. Ons het in 2012 laas verhuis na ‘n ander huis en bly al die afgelope 12 jaar in dieselfde huis hier op Somerset Wes.

  12. Nuwe Woning. Ons nuwe woning op Winburg benodig reperasies en verfwerk, bid asseblief hiervoor.

  13. Water op Winburg. Die dorp het uitdagings met water voorsiening vanaf die munisipaliteit maar God het vir ons ‘n huis met ‘n boorgat voorsien. Bid asseblief vir die voorsiening van ‘n 5000liter water tenk, tenk staander en toerusting van die boorgat.

  14. Ondersteuners. Bid asseblief dat Vader vir ons meerondersteuners sal oprig wat maandeliks per debietorder ondersteun.

*Name is vir sekuriteitsredes verander.


Groete in Jesus Christus.

‘n Wonderlike Geseënde Nuwe Jaar en Week vir elkeen.

Johan Lourens


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.


Please visit the prayer postbox at: https://missions3.wixsite.com/gennesaret-ministry

P.O.Box 144, Strand, 7139.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or



You can also deposit donations via Capitec Cellphone Banking just use Cell Number: 0618163516.


Give a gift today, impact lives eternally. Your generosity is changing lives throughout the world.


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference

We support the ministry by doing various freelance-service. For more info please visit: https://missions3.wixsite.com/johanfreelance


 
 
 

Comments

Committed to Bringing Glory to His Name
  • Whatsapp
  • Telegram
bottom of page