top of page
Search

21 Julie 2025. Weeklikse Manna en Gebedsversoeke.

  • Writer: missions3
    missions3
  • Jul 20
  • 6 min read
Deo Volente Sending
Deo Volente Sending

21 Julie 2025


Liewe Vriende.


Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis? {2 Korintiërs 6;14}


Dit laat my dink aan hoe maklik dit is om saam te loop met die wêreld – om aan te pas, om stil te bly, om nie te veel uit te staan nie. Maar God roep ons tot iets anders. Hy roep ons om in die lig te leef, om anders te wees, om Sy waardes bo die wêreld s'n te kies. Wanneer ons onsself verbind aan mense of dinge wat nie Sy wil weerspieël nie, ervaar ons spanning, onvredenheid, en voel ons hoe daardie nabyheid aan Hom begin afneem.


Dis nie altyd maklik om op te staan vir wat reg is nie. Dit beteken soms ons moet nee sê, selfs as dit alleenheid bring. Maar ons weet God se lig bring vrede wat die wêreld nie kan gee nie. Laat ons kies om ons lewens te bou saam met mense wat ons nader aan Hom bring – nie weg nie. Mag ons elke dag weer kies om die juk van Christus te dra, want Sy juk is sag en Sy las is lig. Kom ons leef as mense van die lig – vry, opreg en gehoorsaam aan God.


Gebed: Vader, help ons om getrou aan U te bly in elke verhouding en situasie. Gee ons wysheid om te sien wat ons nader aan U bring en wat ons van U af wegtrek. Maak ons harte sag vir U wil en sterk teen die druk van die wêreld. Dankie dat U ons roep om in U lig te leef. Lei ons elke dag. In Jesus se Naam, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF:


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”



Gebedsversoeke om voor die voete van Vader te lê:

  1. SENTRAAL-ASIË.Bid saam met ons broer, Karim, wat sy vrou en kinders verloor het. Hy gaan ook moontlik die huis wat hy gebou het verloor omdat hy besluit het om Islam te verlaat en Jesus te volg. Vra God om altyd naby aan hom te wees. Bid vir deursettingsvermoë vir Karim. Hy bly in sy dorp om verskeie ander gelowiges te ondersteun. Bid ook vir sy gesondheid en die agteruitgang van sy gehoor. Prys Prys God vir somerjeugkampe wat deur Geopende Deure se plaaslike vennote aangebied word. Hierdie byeenkomste bring jongmense bymekaar wat teenkanting weens hul geloof in die gesig staar. ʼn Kampdeelnemer, Emma, deel:“Baie het in my verander. Ek dra die liefde van Christus in my hart.” Prys die Here vir ʼn bedieningspaar wat ʼn Geopende Deure-mikrokrediet gebruik het om ʼn motoronderdelewinkel te koop en te bedryf as ʼn manier van bediening, wat jongmense help om vaardighede vir ʼn beroep te leer. Bid dat hul bediening sal floreer terwyl hulle die jeug bedien wat hulle geroepe voel om te bereik.

  2. LAOS. Bid vir krag en hoop vir vier Christelike huiskerkleiers wat in die noorde van Laos gearresteer is. Die owerhede het by ʼn erediens ingestorm nadat hul gemeenskap hulle verkla het.Bid vir plaaslike kerkleiers in die gebied en wysheid vir Geopende Deure-vennote wanneer hulle gesinne besoek om raad en bemoediging te verskaf. Bid vir die 19 gelowiges in die dorp waar kerkleiers gearresteer is. Hulle leef in voortdurende vrees, aangesien die dorpenaars en owerhede elke beweging van gelowiges dophou. Bid dat hulle God ten spyte van die risiko’s sal dien.

  3. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Elke bydrae sal verskriklik waardeer word. Maak die verwysing die land wat u ondersteun.

  6. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

  7. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

  8. 24-7 Gebed vir Herlewing (21-27 Julie 2025).Die week van 21-27 Julie 2025 fokus op gebed vir die herlewing van die jeug, sodat hulle hul lewens ten volle aan God kan oorgee en die transformasie van die Heilige Gees kan ervaar. Gebede sal fokus op aspekte soos volle oorgawe aan God, bekering, 'n diep honger na die Skrif, die ontwikkeling van 'n intieme gebedslewe, en die ervaar van die krag van die Heilige Gees in hul daaglikse lewe. Daar sal ook gebed wees vir die jeug om 'n moedige getuienis van Christus te lewer en 'n heilige lewe te lei, afgesonder van die verleidinge van die wêreld. Deur hierdie gebede bid ons dat die jeug sal opstaan as 'n generasie wat gewortel is in waarheid, bemagtig deur die Gees, en toegewyd aan Christus. Ons hoop dat hulle nie net hul identiteit in Christus sal vind nie, maar ook die moed sal hê om hul geloof vrymoedig te leef, die Skrif as hulle leidraad te volg, en in alle areas van hulle lewe God te verheerlik. Mag hulle 'n voorbeeld wees vir ander in reinheid, integriteit, en liefde.

  9. Maand-Einde Verpligtinge.Ons vra asseblief voorbidding vir Deo Volente Sending se maand einde verpligtinge. Bid asseblief dat die Here sal voorsien in elke finansiële behoefte,{Ons Afrika bediening groei en kan nie verder uitbrei sonder fondse nie} en dat Hy mense op die hart sal lê om Deo Volente konstant maandeliks te ondersteun via debietorder – hetsy in die Capitec of ABSA bankrekening. Mag die Here getroue vennote oprig wat hierdie sendingbediening op ‘n volhoubare manier help dra.


ree







Groete in Jesus Christus.

‘n Wonderlike Geseënde Week vir elkeen.

Johan Lourens


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministry:

Capitec Bank, Branch: 470010, Account: 153 718 3077.{Sending/Mission}

Absa Bank, Branch: 632005, Account: 93 6104 5805 {Africa}


Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Comments

Committed to Bringing Glory to His Name
  • Whatsapp
  • Telegram
bottom of page