top of page
Search

2 Februarie 2026. Weeklikse Manna/Sending Terugvoer en Gebedsversoeke

  • Writer: missions3
    missions3
  • Feb 2
  • 5 min read
Deo Volente Sending.
Deo Volente Sending.

2 Februarie 2026.


Liewe Vriende.


“Maar Dawid sê vir Migal: Voor die aangesig van die HERE wat my verkies het bo jou vader en bo sy hele huis, deur my as vors aan te stel oor die volk van die HERE, oor Israel — ja, voor die aangesig van die HERE sal ek vrolik wees.” – 2 Samuel 6:21


Toe koning Dawid voor die Here dans, was dit nie ’n vertoning vir mense nie, maar ’n uitbarsting van opregte aanbidding. Sy vreugde het uit ’n hart van dankbaarheid en ontsag vir God gevloei. Mikal het sy optrede as onwaardig beskou, maar Dawid het geweet: ware aanbidding soek nie mense se goedkeuring nie – dit soek God se eer.


Ons raak soms só netjies, stil en gereserveerd in ons godsdiens dat ons die vreugde van God se teenwoordigheid verloor. Dawid herinner ons dat aanbidding nie koud of klinies hoef te wees nie. Dit is ’n fees van dankbaarheid, ’n reaksie op God se grootheid en genade.

Mag ons weer leer om met vrymoedigheid te sing, te jubel en selfs “te dans” – in woord en daad – omdat die Here ons geroep het om Sy kinders te wees. Laat ons geloof ’n lewende, vreugdevolle getuienis wees.


Gebed:Here, leer ons om U met vrymoedigheid en vreugde te aanbid. Laat ons harte weer brand vir U grootheid. In Jesus se Naam, Amen.

Terugvoer Sending-Januarie 2026

“Kyk, Ek gaan iets nuuts doen; nou sal dit uitspruit – sal julle dit nie merk nie?”– Jesaja 43:19

Ons groet julle aan die begin van 2026 met diepe dankbaarheid en groot verwagting. Januarie het ’n nuwe seisoen ingelui – een van bou, groei en oop deure. Ons kan met vrymoedigheid getuig: die Here is aan die werk.

Dankie vir elke gebed, elke woord van bemoediging en elke bydrae. Julle getrouheid dra reeds sigbare vrug.

’n Seisoen van Bou

Die bouprojek aan ons bediening- en opleidingsentrum het amptelik in Januarie begin. Wat eers ’n gebedsversoek was, neem nou tasbare vorm aan. Die projek vorder goed en die aflewering word einde Februarie verwag.

Die sentrum sal dien as:

  • ’n Opleidings- en dissipelskapspasie

  • ’n Plek vir berading en geestelike begeleiding

  • ’n Basis vir aanlyn- en sosiale media-bediening

  • ’n Koördineringspunt vir Afrika- en internasionale bediening

“As die Here die huis nie bou nie…” – Psalm 127:1

Praktiese Deurbrake

Ons loof die Here vir praktiese voorsiening:

  • Die warmwatersisteem is volledig herstel

  • Buiteherstelwerk is afgehandel

  • Dak en buite-mure is geverf – ’n simbool van vernuwing

God is getrou, ook in die sogenaamde klein dinge.

Plaaslike Bediening

Vrouebediening:Esther se vroue-bidure het herbegin met ’n duidelike beweging van die Heilige Gees. Daar is genesing, verdieping en nuwe vrymoedigheid.

Jeugbediening:Simeon en Joshua fokus op identiteit en roeping. Jongmense reageer positief en groei is sigbaar.– 1 Timoteus 4:12

Afrika- en Internasionale Bediening

Die Afrika-bediening het nuwe momentum:

  • Zimbabwe, Zambië, Mosambiek, Kenia – groei, mentorskap en leierskapontwikkeling

  • Namibië: Bid asseblief saam vir deurbrake te midde van uitdagings

Ons het ook uitnodigings ontvang om in 2026 te bedien in:🇿🇼 🇿🇲 🇲🇿 🇰🇪 🇵🇭 en glo dit as julle wil, vir ons voel dit nog so onwerklik maar daar het ‘n uitnodiging gekom vir die Filippyne.

Ons staan in verwondering oor hoe die Here deure oopmaak. Bid asseblief vir wysheid, tydsberekening en finansiële voorsiening.

Aanlyn Bediening

Ons digitale platforms bereik mense wêreldwyd. Getuienisse van bekering, bemoediging en herstel bevestig:“My woord sal nie leeg na My terugkeer nie.” – Jesaja 55:11

Met opregte dankbaarheid

“Laat ons nie moeg word om goed te doen nie…” – Galasiërs 6:9


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.”

“If God wills the evangelization of the world, and you refuse to support missions, then you are opposed to the will of God.”

“The Light that shines the farthest, shines the brightest nearest home.”

Gebedsversoeke om voor die voete van Vader te lê:

  1. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

  2. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  3. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Elke bydrae sal verskriklik waardeer word. Maak die verwysing die land wat u ondersteun.

  4. Bediening. Bid saam met ons vir: Wysheid en beskerming, Fisiese en geestelike krag, Afrika- en internasionale leiers, Finansiële voorsiening vir 2026, Blywende geestelike vrug

  5. Outoritarisme beheer in Sentraal-Asië. Die Geopende Deure 2025 Wêreldwaarnemingslys onthul dat geweld en outoritêre beperkings teen Christene die afgelope jaar wêreldwyd toegeneem het, veral in Sentraal-Asië en sub-Sahara Afrika. Kirgistan is verreweg die land wat die meeste uitstaan en die skerpste styging toon op die WWL, die jaarlikse ranglys van lande waar dit die moeilikste is om as ʼn Christen te leef.

  6. Burgeroorloë. Burgeroorloë in Jemen, Mianmar en Soedan het onstabiele omgewings geskep, wat Christene in die kruisvure geplaas het.

  7. Geweld in sub-Sahara Afrika. Sub-Sahara Afrika (SSA) is die gewelddadigste plek in die wêreld vir Christene. Chroniese onstabiliteit in die regering en burgerlike konflik het ʼn vakuum geskep in verskeie nasies in SSA, wat deur opportunistiese Islamitiese militante gevul word.

  8. Die verdwynende Kerk. Die Kerk word in verskeie lande weggedryf of gedryf om ondergronds te gaan. Veral in die Midde-Ooste is verskeie Christen-gemeenskappe aan die kwyn en, in sommige gevalle, op die rand van uitsterwing.

  9. Moniteringstate. Christene in China (15) en ander outokratiese state is weens gevorderde monitering toenemend versigtig om hul geloof openlik uit te druk.

  10. Afrika Uitreike. Uitnodigings is ontvang vir Zimbabwe, Zambia, Mosambiek, Kenya en die Filipyne. Ons akkomodasie en kos word voorsien, ons is net verantwoordelik vir ons eie vliegtuig kaartjie. Bid asseblief saam vir Vader se voorsiening hiervoor.

* Name verander weens veiligheidsredes.

Gebedsversoeke gebruik uit geopende deure.

         









Groete in Jesus Christus.

‘n Wonderlike Geseënde Week vir elkeen.

Johan Lourens.



 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Account:

Capitec Bank, Branch: 470010, Account: 153 718 3077.{Sending/Mission}


Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Comments

Committed to Bringing Glory to His Name
  • Whatsapp
  • Telegram
bottom of page