top of page
Search

17 Maart 2025. Weeklikse Manna en Gebedsversoeke.

  • Writer: missions3
    missions3
  • Mar 12
  • 8 min read
Deo Volente Sending
Deo Volente Sending

17 Maart 2025.


Liewe Vriende.


“Maar hy sê: Ag, Here, stuur tog deur wie U wil stuur. .”Eksodus 4:13.

 

Ek het nog altyd 'n sagte plekkie vir Moses gehad. Hy verteenwoordig hoop vir diegene wat maar 'n middelmatige lewe lei – wie se ster nie meer so helder skyn nie, wat dit nie heeltemal in die lewe gemaak het nie of diegene wat verskeie onverwagte terugslae beleef het.

 

Moses, die prins van Egipte, eens bekend as 'n goeie kind met baie potensiaal op wie God se hand gerus het, was gereed om sy merk vir God te maak. Hy het toegang tot mag en die beste wat die wêreld kon bied, gehad. Menslik gesproke was hy in 'n ideale posisie om iets groots te doen.

 

Op 'n dag het hy probeer om iets vir sy mense in sy eie krag te doen. Dit het op 'n skouspelagtige wyse geboemerang en hy moes op die vlug slaan. Verban uit Egipte en geïsoleer van almal wat hy geken het. Die gevolg was ook dat hy vervreemd is van die farao, wat na alle waarskynlikheid woedend was, en van almal wat hom tot op daardie stadium versorg het. Hy het werklik 'n groot gemors gemaak.

 

In teenstelling met sy vorige lewe, het hy in die woestyn met 'n trop ongelukkige en soms hulpelose skape, beland. Na 40 jaar het hy miskien gevoel of hy niks meer kon bereik nie, maar aangesien hy toe sy eie gesin gehad het, tog tevrede met hoe sy lewe verloop het. 'n Mens kan egter nie iemand wat sou sê: "Hoe het die helde geval", kwalik neem nie.

 

Maar toe het God hom geroep. Noudat hy nie meer jonk was nie ... toe was hy gereed om tot eer van God gebruik te word. God was egter nie klaar met Moses nie – hy moes net gevorm word tot die man wat God wou hê hy moes wees. Ironies genoeg, ten spyte van die verloop van 40 jaar, was Moses skynbaar nou nie gereed nie. Selfs nadat God 'n aantal wonderwerke voor hom gedoen het, lees ons in Eksodus 4:13: "Maar Moses antwoord: “Asseblief tog, Here, stuur liewer iemand anders.”

 

Dit het God kwaad gemaak. Eksodus 4:14-17 stel dit so: "Toe word die Here kwaad vir Moses en sê: “Aäron die Leviet is mos jou broer, en Ek weet hy kan sy woord goed doen. Hy is al op pad om jou te ontmoet en hy sal bly wees om jou weer te sien. Praat met hom en sê vir hom wat om te sê. Ek sal by jou wees as jy praat en by hom as hy praat en Ek sal julle leer wat om te doen. Wanneer hy namens jou met die volk praat, is hy jou segsman en jy die een wat hom sy opdragte gee. Hou nou die kierie waarmee jy die tekens moet gaan doen, by jou.”

 

Moses het klaarblyklik gehakkel en het vir 40 jaar nie die taal van die Egiptenare gepraat nie. Miskien het hy ook vasgeskop teen God se antwoord op sy vraag waarvan ons in Eksodus 3:11-12 lees: "Toe sê Moses vir God: “Wie is ék dat ek dit by die farao sou waag en dat ék die Israeliete uit Egipte sou bevry?” God het Moses geantwoord: “Ek sal by jou wees en die bewys dat Ek jou gestuur het, sal dít wees: wanneer jy die volk uit Egipte bevry het, sal julle My by hierdie berg aanbid.”

 

Miskien het Moses net oud gevoel en nie opgewasse vir die taak nie. Wat as hy weer 'n gemors daarvan maak? Dit het so lank geneem om sy lewe weer reg te ruk ... Ten spyte van al sy bedenkinge, het hy tog gegaan en, soos hulle sê, die res is geskiedenis. Vandag word die lewe van Moses met al sy swakhede, steeds regoor die wêreld vereer.

 

Gebed: Hemelse Vader, dankie dat U nooit tou opgooi met ons nie. Dankie dat U ons ongeag ons omstandighede, ouderdom en beperkings gebruik, solank as wat ons gewillig is om U te dien. Amen


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. MEKKA, SAOEDI-ARABIË. Bevolking: 2 184 560.Dominante godsdiens: Islam.Evangeliese Christene: Onbekend.Mekka is die geboorteplek en die heiligste stad van Islam. Slegs Moslems word in die stad toegelaat. Vra die Heilige Gees om Jesus as die weg, die waarheid en die lewe aan die burgers van Mekka te openbaar. Bid vir lewensveranderende ontmoetings met Hom wat tot hul redding sal lei.

  2. ANKARA, TURKYE. Bevolking: 5 477 090.Dominante godsdiens: Islam.Evangeliese Christene: Minder as 1% Turkye is geografies geleë as 'n brug tussen Europa en Asië, en sy mense verteenwoordig 'n mengsel van kulture. In Ankara word meer as 30 verskillende tale deur verskillende mensegroepe gepraat. Bid dat God se groot werke deur Sy mense vertel word en dat geestelike ore oopgemaak sal word om die Heilige Gees se boodskap te hoor en te verstaan.

  3. BAGDAD, IRAK. Bevolking: 7 921 130. Dominante godsdiens: Islam. Evangeliese Christene: Minder as 1%.Bagdad, wat eens die 'Stad van Vrede' genoem is, is een van die grootste stede in die Midde-Ooste.Dit is die tuiste van ongeveer 250 000 van Irak se tradisionele Christelike minderheidsgroepe. Bid dat Christene in die stad die boodskap van die kruis en Jesus se Bloed en dat Hy die enigste weg na God is, sal verkondig. Bid ook dat hierdie boodskap voorbereide harte sal bereik.

  4. DAMASKUS, SIRIË. Bevolking: 2 685 360. Dominante godsdiens: Islam. Evangeliese Christene: Onbekend. Damaskus, die 'Pêrel van die Ooste', het baie agteruitgang ervaar weens oorlog. Bid vir almal wat verlies ervaar het, dat hulle die Koninkryk van God sal soek en dat hul lewens geestelik, emosioneel en fisies herstel kan word.

  5. MASHHAD, IRAN. Bevolking: 3 415 530. Dominante godsdiens: Islam. Evangeliese Christene: Onbekend. In Islam is Mashhad die tweede grootste heilige stad ter wêreld en lok jaarliks meer as 20 miljoen Moslemtoeriste en pelgrims. Bid dat pelgrims na Mashhad tydens hierdie Ramadaan 'n openbaring van die opgestane Jesus en die hoop wat deur Hom beskikbaar is, sal sien.

  6. SANA'A', JEMEN. Bevolking: 3 407 810. Dominante godsdiens: Islam. Evangeliese Christene: Onbekend. Sana'a is Jemen se belangrikste ekonomiese, politieke en godsdienstige sentrum. Die voortslepende konflik in die streek het ontwrigting en onstabiliteit veroorsaak, wat die ekonomie en politieke omgewing beïnvloed het. • Bid vir geleenthede vir Christene om die Evangelie met Moslems in Sana'a te deel. Bid ook dat die wêreldwye Kerk geestelike en humanitêre hulp in Jemen sal verskaf.

  7. JERUSALEM, ISRAEL. Bevolking: 983 097. Dominante godsdiens: Judaïsme. Evangeliese Christene: Onbekend. Jerusalem is 'n heilige stad vir Judaïsme, Christendom en Islam. Dit is 'n plek van godsdienstige en etniese konflik en geopolitieke spanning. Vra God vir die redding van siele en dat Sy Koninkryk in hierdie streek gevestig sal word. Bid vir al die burgers van hierdie stad om tydens die huidige konflik by God te skuil.

  8. SUIDOOS-ASIË. In die noorde van Laos is Amphon*, sy vrou, Veena*,en hul drie kinders al herhaaldelik gedwing om te trek omdat hulle vasbeslote is om Jesus te volg. Bid vir hulle vir krag.Amphon se familielede het sy gesin se elektrisiteit afgesny omdat hulle kwaad was oor hul geloofsbesluit. Ons vennote het noodleniging aan hulle verskaf. Bid asseblief vir die familie terwyl hulle aanhou om Jesus te volg. “Elke keer as ek en my vrou vervolging in die gesig staar,hou ons mekaar se hande vas en bid tot die Here,” sê Amphon. Bid dat hierdie gesin sout en lig vir hul familie en gemeenskap sal wees.

  9. Oos-Maleisië. Gelowiges in Oos-Maleisië is in die geheim gedoop. Waar hierdie gelowiges woon, word Christene deur die regering geteister en deur die dorp se inwoners verwerp omdat hulle Islam verlaat het. Dink vandag aan hierdie gelowiges – hulle besluit gaan gepaard met aansienlike risiko’s en opofferings.

  10. EGIPTE.Bid saam met Eman*, ʼn twaalfjarige Christen-meisie van Egipte wat deur ernstige trauma is nadat haar pa Christus vertrou het. Die gesin is gedwing om uit vrees vir hul lewens te vlug. Bid dat God hulle na ʼn veilige plek sal lei. Eman is in ʼn kragtige droom na Jesus gelei. Bid vir voortdurende genesing vir Eman en ander jeugdiges wat trauma ervaar het. Vra God om hul vrese weg te neem. Bid dat ons familie in Egipte sal aanhou groei in hul geloof en vertroosting sal vind in gebed en God se Woord. God, ons vra U om ons broers en susters te lei en te versterk terwyl hulle verhouding met U verdiep. Eman het deur middel van traumaberading genesing gevind. Bid vir voortgesette toegang tot traumaberading en geestelike ondersteuning vir getraumatiseerde Christene, veral in Bo-Egipte.

  11. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  12. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  13. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan/camper of parkhome sal kry. Dit is ‘n krises tans, maar ons weet God sal voorsien en is nooit te laat nie.

  14. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Enige bydrae sal verskriklik waardeer word. Maak die verwysing die land wat u ondersteun.

  15. Afrika Uitreike. Ons as gesin gaan hierdie jaar op twee Afrika besoeke. Die logistiek is ingewikkeld. Bid asseblief saam vir hierdie uirtreike.









Groete in Jesus Christus.

‘n Wonderlike Geseënde Week vir elkeen.

Johan Lourens


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministry:

Capitec Bank, Branch: 470010, Account: 153 718 3077.{Sending/Mission}


“Some wish to live within the sound of church and chapel bell. I want to run a rescue shop within a yard of hell!” (C.T. Studd)


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference

 
 
 

Comentarios

Committed to Bringing Glory to His Name
  • Whatsapp
  • Telegram
bottom of page