top of page
Search

16 Februarie 2026. Weeklikse Manna en Gebedsversoeke

  • Writer: missions3
    missions3
  • Feb 11
  • 6 min read
Deo Volente Sending
Deo Volente Sending

16 Februarie 2026.


Liewe Vriende.


“Die wat met trane saai, sal met gejubel maai. Hy loop aldeur en ween en dra die saadkoring; hy sal sekerlik kom met gejubel en sy gerwe dra.” Psalm. 126:5-6.


Hierdie Psalm spreek van ’n diep geestelike waarheid: God is nie onbewus van ons trane nie, en geen gebed wat in geloof gesaai word, is verniet nie. Daar is tye in ons lewe waar die saaiwerk swaar voel—waar ons bid, hoop en volhard, maar niks verander nie. Dit is juis in hierdie wagtye dat geloof getoets en gevorm word.


Die Skrif sê nie of die oes sal kom nie, maar wanneer—“hy sal sekerlik kom met gejubel”. God se beloftes is vas, maar Sy tydsberekening is volmaak. Wat vir ons soos vertraging voel, is dikwels voorbereiding.


’n Lewende voorbeeld hiervan is ons eie pad. Vir 24 jaar lank het ons gebid en vertrou vir ’n eie huis. Jaar na jaar het ons gesaai in geloof—soms met hoop, soms met trane. Ons het nie altyd verstaan hoekom dit so lank vat nie. Daar was oomblikke van moedeloosheid, wanneer dit gevoel het asof ander vorentoe beweeg en ons vasstaan as huurders sonder sekerheid.


Maar ons het aangehou saai. Gebed na gebed. Vertroue na vertroue.

En toe, ná 24 jaar, het die oes gekom. God het voorsien. Ons het huiseienaars geword—nie meer huurders nie. Wat lank gesaai is in stilte en trane, het uiteindelik uitgeloop op gejubel en dankbaarheid. Die vreugde was soveel groter juis omdat die wagtyd so lank was.


Hierdie Psalm leer ons dat God getrou is, selfs wanneer ons dit nie onmiddellik sien nie. Ons taak is om te saai—getrou, volhardend, en met geloof. God se taak is die oes. En Hy faal nooit.


As jy vandag nog saai met trane, hou moed. Die uitkoms sal kom. Nie dalk nie—sekerlik. God sal jou nie leeg laat terugkeer nie. Jou gerwe is onderweg.


Gebed: Here, dankie dat U elke traan sien en elke gebed hoor.Gee ons krag om te volhard wanneer die wagtyd lank raak.Versterk ons geloof wanneer ons moed begin taan,en help ons om vas te hou aan U beloftes.Ons vertrou U volkome, want ons weet die uitkoms sal kom—op U tyd en tot U eer, in Jesus Naam, Amen.                                                                                                                                                                              

Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.”


“If God wills the evangelization of the world, and you refuse to support missions, then you are opposed to the will of God.”


“The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. COLOMBIË. Daar het weer konflik uitgebreek toe gewapende groepe mekaar aangeval het. Dit herinner ons dat ʼn mens nooit seker kan wees van vrede in ʼn land nie. Vra God om vrede te gee. Bid dat God gelowiges in inheemse gemeenskappe sal beskerm wat Jesus gevind het. Bid dat hulle eerder aanvaar as verdruk sal word. Die Christene wat in lande bly wat deur dwelmbendes regeer word, se lewens is voortdurend in gevaar omdat hulle soms as ʼn bedreiging vir die kartelle se bedrywighede gesien word. Bid vir hulle vir beskerming.

  2. KAMEROEN. Bid vir die ekonomiese bemagtigingsprojekte wat deur Geopende Deure se vennote in Kameroen gelei word. Bid dat God hierdie pogings sal seën en dit sal gebruik om die gelowiges te versterk om Hom te volg, wat ook al gebeur. Die verre noorde van Kameroen is steeds ʼn baie gevaarlike plek vir Christene om in te bly. Vra dat God sy kinders veilig sal hou en hulle teen die Boko Haram-aanvalle sal beskerm. Elke week gaan pastore Mamoud* en Hamza* terug na hul vorige huis in die verre noordelike streek om te gaan preek en die gelowiges te bedien. Bid vir hulle vir beskerming en wysheid.

  3. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

  4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Elke bydrae sal verskriklik waardeer word. Maak die verwysing die land wat u ondersteun.

  6. Bediening. Bid saam met ons vir: Wysheid en beskerming, Fisiese en geestelike krag en Finansiële voorsiening vir 2026,

  7. Afrika Uitreike. Uitnodigings is ontvang vir Zimbabwe, Zambia, Mosambiek, Kenya en die Filipyne. Ons akkomodasie en kos word voorsien, ons is net verantwoordelik vir ons eie vliegtuig kaartjie. Bid asseblief saam vir Vader se voorsiening hiervoor.

  8. HO CHI MINH-STAD, VIËTNAM. Eens Saigon, meng hierdie bruisende stad voorvaderlike aanbidding met moderne ambisie, wat baie mense geestelik moeg laat. Statistiek oor godsdiens; Christen: 27 016 (2009);Boeddhisme: 9,3 miljoen (2023);Hindoeïsme: 4 000. Bid en vra die Here om herlewing in Ho Chi Minh-stad uit te stort, apatie te breek en 'n honger vir die waarheid aan te wakker terwyl die Evangelie harte transformeer.

  9. YANGOON, MYANMAR. Myanmar se mense ly onder onderdrukking en vrees en baie soek toevlug in Boeddhistiese rituele eerder as in Christus. Statistiek oor godsdiens;Christen: 290 000-300 000;Boeddhisme: 6,7 miljoen (2014);Hindoeïsme: 74 000 (2014). Bid en vra Jesus om die duisternis in Yangon te breek en dat Sy verlossingslig deur die stad sal vloei totdat Sy Naam onder die volke geprys word.

  10. PHNOM PENH, KAMBODJA. Phnom Penh, gevorm deur diep Boeddhistiese toewyding en die wonde van die geskiedenis, weerstaan die boodskap van Christus se verlossing. Statistiek oor godsdiens;Christen: Ongeveer 6 000-9 000;Boeddhisme: 2,3 miljoen;Hindoeïsme: Onbekend. Vra die Here om Kambodja deur die kruis te genees, vryheid en vergifnis te gee en die Kerk te bemagtig om Jesus landwyd te verkondig.

  11. KUNMING, CHINA. Bekend as die 'Stad van Ewige Lente', is Kunming geestelik droog, maar ryk aan skoonheid en erfenis. Statistiek oor godsdiens; Christen: Ongeveer 350 000 (2003);Boeddhisme: Ongeveer 1 692 000 (2020); Hindoeïsme: Onbekend. Bid en Vra die Here om Kunming deur die Heilige Gees te laat ontwaak, bekering te bring en die stad 'n vrugbare grond vir die Evangelie te maak.

  12. VIENTIANE, LAOS. In Vientiane oorheers Boeddhisme elke aspek van die lewe en ervaar Christene druk en vervolging. Statistiek oor godsdiens; Christen: Minder as 100 000; Boeddhisme: Ongeveer 260 000; Hindoeïsme: 6 400. Bid en vra die Heilige Gees om herlewing na Vientiane te bring, harte na God te draai en gelowiges te bemagtig sodat Christus se lig oral versprei.

  13. TOKIO, JAPAN. Tokio se mense streef na sukses en tradisie, maar baie leef geïsoleerd en is geestelik leeg. Statistiek oor godsdiens; Christen: 300 000 of minder; Boeddhisme: Ongeveer 5-6 miljoen; Hindoeïsme: Onbekend Bid en vra die Here Jesus om Tokio te besoek, die honger na waarheid en herlewing aan te wakker wat moeë harte van leegheid na ewige hoop in Jesus Christus verander.

* Name verander weens veiligheidsredes.

Gebedsversoeke gebruik uit geopende deure.

 





Groete in Jesus Christus.

‘n Wonderlike Geseënde Week vir elkeen.

Johan Lourens.


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministry:

Capitec Bank, Branch: 470010, Account: 153 718 3077.

{Account-Holder, Sending/Mission}



Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Comments

Committed to Bringing Glory to His Name
  • Whatsapp
  • Telegram
bottom of page