top of page
This site was designed with the
.com
website builder. Create your website today.Start Now
Search
  • Writer's picturemissions3
    • Apr 14
    • 8 min read

15 April 2024. Weeklikse Manna en Gebedsversoeke.


Deo Volente Sending


Weeklikse Manna en Gebedsversoeke.


15 April 2024.


Beste Vriende.


"Daarom moet julle ook gereed wees, want die Seun van die mens kom op 'n uur waarop julle dit nie dink nie." Matteus 24:44


Hierdie week wil ek praat oor die belangrikste aspek van ons geloof: om gereed te wees om God te ontmoet. Die Bybel waarsku ons herhaaldelik dat die dag van die Here onverwags kom, soos 'n dief in die nag. Ons moet gereed wees, want niemand van ons weet die dag of die uur nie.


In Matteus 24:44 sê Jesus self vir ons dat ons gereed moet wees. Hy gebruik die beeld van 'n dief wat onverwags toeslaan om ons te herinner dat ons elke oomblik gereed moet wees vir sy koms. Maar wat beteken dit om gereed te wees?


Om gereed te wees om God te ontmoet, beteken om 'n lewe van geregtigheid en liefde te lei. Dit beteken om elke dag te leef in ooreenstemming met die wil van God, om ons harte te reinig van sonde en om na sy Woord te lewe. Dit beteken ook om gereed te wees om ander te vergewe soos ons vergewe is, om lief te hê soos Hy ons liefhet, en om te dien soos Hy gediend het.


Dit is 'n uitdagende roeping, want ons is geneig om onsself te laat meevoer deur die dinge van hierdie wêreld. Ons word dikwels afgetrek deur die verlokkinge van die vlees en die begeerlikhede van die wêreld. Maar laat ons nie vergeet dat ons nie van hierdie wêreld is nie. Ons is burgers van die hemel, en ons moet ons lewe in hierdie lig sien.


Laat ons nie lui word in ons geloof nie. Laat ons elke dag waaksaam wees, gereed om ons Here te ontmoet wanneer Hy kom. Laat ons ons harte toewy aan Hom en ons lewens leef tot sy eer en heerlikheid.


Gebed: Here God, ons hemelse Vader, ons kom voor U met nederige harte en vra vir vergifnis vir ons sondes en tekortkominge. Help ons om elke dag gereed te wees om U te ontmoet. Gee ons die krag en die wysheid om 'n lewe van geregtigheid, liefde en diens te lei. Versterk ons geloof, sodat ons nie verslap nie, maar waaksaam bly tot die dag van u koms. Mag ons lewens 'n getuienis wees van u genade en liefde vir almal om ons heen. Ons vra dit alles in die Naam van u geliefde Seun, Jesus Christus. Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


““The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. Sending. Bid asseblief vir al ons sending koordineërders in Zambia, Zimbabwe, Malawi, Mosambiek, Uganda, Kenya en Tanzania. Almal werk vrywillig en staan in die geloof in God se Koninkryksdiens en het elkeen sy eie uitdagings. Bid vir Gesondheid, Beskerming, Finansies, Families en elkeen se UNIEKE Bediening. Bid ook vir ons waar ons plaaslik in Winburg betrokke is.

  2. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  3. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan of camper sal kry. Dit is ‘n krises tans, maar ons weet God sal voorsien en is nooit te laat nie.

  4. Finansies. Ons bedank elkeen wat gehelp het met hulp en donasies met die verskuiwing vanaf die Kaap na die Vrystaat julle is kosbaar en mag God elkeen duisendvoudig seën. Ons ervaar egter tans groot druk op ons finansies a.g.v. onverwagte uitgawes en reperasies asook dringende fondse vir kruideniersware en is die rekening leeg op die oomblik. Bid asseblief saam vir voorsiening en dat nuwe en meer ondersteuners aan boord sal kom,

  5. Voertuig. Ons enigste voertuig het Saterdag 13 April gebreek en moes ingesleep word vanaf Senekal. Bid asseblief dat Vader die regte werktuigkundige sal stuur om te herstel.

  6. Mangu Plaaslike Regeringsgebied.  (PRG)Bid vir ons familie in die Mangu Plaaslike Regeringsgebied (PRG), wat in dié tyd verlede jaar byna daagliks aan ʼn vlaag van Jihadistiese geweld blootgestel is. Die lewe was nie vreedsaam vir hierdie gelowiges terwyl hulle God in die vuur volg nie. Bid vir vertroosting en volharding vir die geliefdes van die 300 Christene wat in die PRG-aanvalle vermoor is. Talle bevind hulle in stampvol kampe vir interne ontwortelde persone. Bid veral vir die kinders en jeugdiges.

  7. Nigerië. Bid kragtig dat God Christe-like leiers sal oprig om saam met gelowiges te bid, en dat hulle Bybelstudies en kerke in Nigerië se kampe vir interne ontwortelde persone sal begin. Bid dat Sy Naam in hierdie kampe versprei sal word. In Nigerië sterf gemiddeld elf Christene elke dag weens hul geloof. Bid dat God “die paaie van geregtigheid sal beskerm en die weg sal bewaak van dié wat aan Hom getrou is”(Spr. 2:8

  8. Plateau-staat Bid vir Magdalene, wie se jong dogter tydens die Oukersaand-aanvalle in Plateau-staat vermoor is. Bid dat God vir haar Sy vrede op ondenkbare maniere sal wys en dat Hy Sy krag en hoop vir haar sal bring.

  9. Sub-Sahara Afrika. Bid vir veerkragtigheid vir ons familie regdeur sub-Sahara Afrika – “dié wat op die Here wag, herwin hulle krag; hulle kry nuwe vlerke soos arende.

  10. China.Bid saam met die kerkleiers in Suid-China. Jiang*, Fei*en Zhen* is verlede jaar gearresteer en daarvan beskuldig dat hulle ʼn onwettige saketransaksie gedoen het. Ons vennote is onseker waar hulle is. Bid vir hul beskerming en veilige terugkeer.

  11. OORBEVOLKING in gevangenisse. Oorbevolking in jeuggevangenisse lei tot verhoogde geweld, 'n toename in bendebedrywighede asook die smokkel van dwelms na die fasiliteit. Oorbevolking belemmer die voorsiening en doeltreffendheid van rehabilitasieprogramme. Gebrek aan privaatheid kan geestesgesondheidsprobleme onder kinders in die gevangenis veroorsaak of vererger. Mishandeling vind plaas in jeuggevangenisse – insluitend teistering, seksuele en fisiese mishandeling deur bewaarders en mede gevangenes. Verhoorafwagtende jeuggevangenes kan na 'n volwasse fasiliteit oorgeplaas word. Daar is hulle vyf keer meer geneig om seksueel aangerand te word en neig tot selfdood as gevolg van die trauma wat hulle ervaar.

  12. TRIPOLI, LIBIË. Tripoli is Libië se hoofstad en 'n groot metropolitaanse gebied aan die Middellandse See. Dit huisves 1,2 miljoen mense. Christene is ongeveer 2,5% van die bevolking. Baie Jesus-volgelinge bly wegkruip uit vrees vir erge vervolging of die dood.

  13. VOORMALIGE MOSLEM SE GETUIENIS. Dank die Here vir die lewe van Abdoulaye Sangu van Timboektoe in die Mali-streek wat in 'n Moslem-gesin gebore is en wat 'n Koranskool bygewoon het. Sy hart is aangeraak deur God se Woord.

  14. VERKRAG EN GESKEND. Vroue en mans wêreldwyd word daagliks in die werkplek verkrag en geskend deur bestuurders en of kollegas. Die meeste van hierdie dames en mans is te skaam en oorweldig om dit aan te meld. Kom ons bid; Bid dat hierdie vroue en mans hul verkragter of misbruiker sal vergewe en vir hulle sal bid om deur God se genade getransformeer word. Vra die Here vir heling van hierdie vroue en mans – liggaam, siel en gees. Bid dat hulle hulself sal sien soos Jesus hulle sien

  15. INTEGRITEIT IN DIE WERKPLEK. Mense kom daagliks in die versoeking om betrokke te raak by skemas van hul werkgewer wat beloftes maak van 'vinnige geld', vinnige wins, ens.. Baie mense het al baie geld op hierdie manier verloor omdat hulle oningeligde besluite geneem het. Kom ons bid; Bid dat werkgewers eerlik en openlik sal wees en dat geen skemas geduld sal word nie, dat beide werkgewers en werknemers met integriteit sal optree. Bid vir werknemers om die moed te hê om op te staan vir wat reg is, selfs in die lig van opposisie of kritiek.

  16. BETALING/LONE. LONE. “Ja, julle hou die loon agter van die werkers wat julle lande afgeoes het. Dit skreeu ten hemel; die geroep van dié wat geoes het, het tot by die Here die Almagtige gekom. (Jakobus 5:4).” Sommige werkgewers onderbetaal hul werkers sodat hulle groter winste kan maak en dit lei tot spanning en ongelukkigheid in die maatskappy. Kom ons bid dat elke vorm van eiebelang, eie gewin en hebsug by beide werkgewers en werknemers verbreek sal word. Bid dat werkgewers realistiese lone sal betaal en vir werknemers om redelike werk te doen, en nie onredelike eise aan hul werkgewers te stel wat die maatskappy kan verwoes nie.

  17. INTERPERSOONLIKE SPANNING. “Elke mens moet maar te gewillig wees om te luister, nie te gou praat nie… 'n Mens wat kwaad word, doen niewat voor God reg is nie. (Jakobus 1:19-20).Sommige konflikte by jou werkplek kom voor as gevolg van wankommunikasie en jou onpartydigheid isnoodsaaklik vir suksesvolle konflikoplossing. Kies elke dag om vrede en versoening te bewerkstellig.Kom ons bid dat mense begrip sal hê vir mekaar se verskille en tegemoetkomend sal wees. Vra die Heilige Gees om jou te help om konflik te hanteer op 'n manier wat Hom eer bring. Vra vir geleenthede om oor Sy genade, barmhartigheid en vergifnis te praat. WAT SÊ JESUS? Geseënd is die vredemakers, want hulle sal kinders van God genoem word (Matteus 5:9).

  18. AANMOEDIGING. Aanmoediging van 'n werkgewer of Departementshoof kan wondere verrig vir enige persoon in hul diens. Baie werknemers is ongelukkig in hul werkplek wanneer werkgewers nie in hul welstand belangstel nie. Kom ons bid dat werkgewers sal uitvind hoe om met deernis met hul werknemers om te gaan, wat tot voordeelvan hul werksverhouding en die welstand van die besigheid sal wees. Bid vir werknemers om positief op hul werkgewers se aanmoediging te reageer en hardwerkend te wees.

  19. VERANTWOORDELIKHEDE. Kollegas wie se verantwoordelikheidsin by die werk 'n struikelblok vir ander is kan tot spanning lei wanneer medewerkers hul take moet regstel of doen. Ons moet ons werksverantwoordelikhede getrou en met integriteit nakom. Kom ons bid vir elke werker om sy/haar werk te doen soos vir die Here en vra die Here om jou 'n spanspeler te maak. Vra die Heilige Gees om jou te help om 'n getroue rentmeester van jou posbeskrywing te wees.

  20. GOEIE WERKSETIEK. Nie alle werknemers pas goeie gesonde werksetiek toe nie en dit kan werksverhoudinge versuur met hul werkverskaffer en kollegas. Wees elke dag betyds vir werk en doen jou werk deur produktief, effektief en getrou te wees. Kom ons bid vir elke werkgewer en werknemer om hul take met integriteit uit te voer en sodoende 'n getuienis vir ander te wees. Bid dat jou werkgewer en kollegas hulle lewens heeltemal sal oorgee aan die leiding van God deur die werking van die Heilige Gees.

  21. Ontwaking van die Kerk - Goddelike regering - Herstel van die samelewing 19 Mei - 9 Junie 2024 Uitnodiging aan die Liggaam van Christus na 21 dae van dag en nag gebed en vas vir Suid-Afrika. Kom ons BID vir Suid Afrika en die gebedspunte wat elke week gegee word. Gaan na: https://jwipn.com/awaken-sa-19-may-6-june-2024/ om saam te bid.





















Groete in Jesus Christus.

‘n Wonderlike Geseënde Week vir elkeen.

Johan Lourens


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street, Winburg. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.


or


“The gospel is only good news if it gets there in time.”(Carl F.H. Henry)

You can also deposit donations via Capitec Cellphone Banking just use Cell Number: 0618163516.


Bank Accounts:

Absa Bank, Branch: 632005, Account: 93 6104 5805


“Some wish to live within the sound of church and chapel bell. I want to run a rescue shop within a yard of hell!” (C.T. Studd)


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference


We support the ministry by doing various freelance-service. For more info please visit: https://missions3.wixsite.com/johanfreelance


9 views0 comments
bottom of page