top of page
Search

13 Oktober 2025.Weeklikse Manna en Gebedsversoeke.

  • Writer: missions3
    missions3
  • 7 days ago
  • 9 min read
Deo Volente Sending
Deo Volente Sending

13 Oktober 2025


Liewe Vriende.


“Wie dan weet om goed te doen en dit nie doen nie, vir hom is dit sonde.” {Jakobus 4:17}


Omtrent by elke verkeerslig staan daar iemand met 'n sakkie vrugte of groente of 'n goedkoop plastiekspeelding wat hy of sy probeer verkoop. Ander staan sommer net en lyk moedeloos met 'n plakkaat waarop kortliks vir jou vertel word van die persoon se slegte omstandighede. Party vra nog of jy nie 'n werkie het wat hy kan kom doen nie, terwyl ander doodgewoon bedel. Kinders met flenter klere hou 'n hand uit.

 

Meesal sê ons jammer, maar ek het nie iets vir jou nie en net 'n paar honderd treë verder keil ons gewete ons op omdat ons altyd te haastig is om by die naaste winkel gou 'n brood of ander stukkie kos te gaan koop. Sal dit my begroting so omver gooi as ek maar die sakkie nartjies by die verkeersligverkoper koop, al het ek so pas vrugte by die supermark gekoop? Gewoonlik troos 'n mens jouself dat daar so baie van hierdie mense is dat jou bietjie nie veel verskil sal maak nie. Maatskaplike werkers en ander gemeenskapswerkers vermaan 'n mens ook gereeld om nie so 'n persoon in sy kwaad te sterk nie. Daar is immers plekke waar kos daagliks uitgedeel word.

 

Wat sê vandag se Bybel vers vir ons oor die saak? Die vers lyk vir my spreek my aan. Wie dan weet om goed te doen en dit nie doen nie, vir hom is dit sonde. Die woord “nie doen nie” beteken hier iemand wat dit nodig het, maar ek is ongehoorsaam. Iemand wat in die nood is kry swaar as gevolg van my ongehoorsaamheid. Sendelinge in nood wat bid vir voorsiening maar nie het nie omdat ‘n donateur dink hy/sy hoor verkeerd of is blood net ongehoorsaam aan God se stem.

 

So 'n situasie is natuurlik nie net fisiese gebrek nie, maar ook geestelike nood. Dood of siekte, verlies van werk, groot skade of enige ander hartseer of trauma. Spreuke 3:28 sê baie mooi ons moet nie uitstel om te help waar ons kan nie. Ek moet nie in my haastigheid iewers heen, dink ek sal môre vir die een by die werk ietsie saamvat, of die persoon in geestelike nood volgende week besoek wanneer ek 'n tydjie kan afknyp nie, of volgende week vir die sendeling ‘n EFT betaling doen nie. Ons het tog meesal geld by ons en ons het selfs in 'n baie besige dag 'n paar minute “by ons”. Môre is dalk te laat.

 

God is nooit te haastig of suinig met sy tyd of seëninge wanneer ons in die nood is nie.

 

Gebed: Help my asseblief om raak te sien waar daar werklik nood is en maak my iemand wat nie sal uitstel terwyl ek in staat is om dadelik te help nie, in Jesus Naam, Amen



Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.”

“If God wills the evangelization of the world, and you refuse to support missions, then you are opposed to the will of God.”

“The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. VIËTNAM. In die noordelike streek het owerhede 17 Hmong Christen-gesinne verbied om kerk toe te gaan en hulle van hul regeringsvoordele gestroop. Vra God om Sy hand oor hulle te hou en vir hulle te sorg. Ondanks die ontberings wat hulle in die gesig staar, soek dié 17 Hmong-gesinne steeds maniere om in die geheim te aanbid. Bid dat hul geloof in hierdie moeilike tyd sterk sal bly. Bid dat God ʼn manier sal skep vir alle Viëtnamese gelowiges om kerkdienste sonder vrees by te woon. God, wees asseblief altyd naby aan ons susters en broers. Prys God vir ʼn plaaslike vennoot se satelliet-Bybelskoolprogram wat mense in landelike gebiede bereik wat dit nie kan bekostig om vir voltydse opleiding te reis nie. Aan die einde van ʼn satelliet-Bybelskoolprogram ontvang studente ʼn sertifikaat, wat hulle in staat stel om in plaaslike kerke te dien en kerke te plant. Bid dat die tyding hieroor sal versprei.

  2. ARABIESE SKIEREILAND. ʼn Groep dissipelmakers en hul vriende vra ons om te bid, aangesien Christene in die Arabiese Skiereiland gevra word om hul onderskeie lande te verlaat. Bid vir gelowiges en kerke wat geplant is om hierdie druk te weerstaan.Bid vir ons broers en susters om in Christus te bly, daagliks te bid en op Sy Woord te steun. Bid dat hulle nie sal swig voor vrees en bekommernisse nie (Fil. 4:6). Bid vir versagte harte en oop gemoedere by diegene in magsposisies. Vra vir God om aan Sy volgelinge guns by die owerhede te skenk, soos in die Skrif gesien kan word. Vra vir God dat Sy mense Sy stem sal hoor en Hom sal gehoorsaam. Vader, ons bid dat U só tevrede met hulle sal wees dat selfs hul vyande hulle goed sal behandel.

  3. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Elke bydrae sal verskriklik waardeer word. Maak die verwysing die land wat u ondersteun.

  6. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

  7. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

  8. Maand-Einde Verpligtinge.Ons vra asseblief voorbidding vir Deo Volente Sending se maand einde verpligtinge. Bid asseblief dat die Here sal voorsien in elke finansiële behoefte,{Ons Afrika bediening groei en kan nie verder uitbrei sonder fondse nie} en dat Hy mense op die hart sal lê om Deo Volente konstant maandeliks te ondersteun via debietorder – hetsy in die Capitec of ABSA bankrekening. Mag die Here getroue vennote oprig wat hierdie sendingbediening op ‘n volhoubare manier help dra.

  9. SOSIALE MEDIA EN DIGITALE AFLEIDINGS. Wees baie versigtig hoe julle lewe: nie soos onverstandige mense nie, maar soos verstandiges. Maak die beste gebruik van elke geleentheid, want ons lewe in 'n goddelose tyd. (Efesiërs 5:15-16).Sosiale media het miljarde mense met mekaar verbind, maar dit bevorder ook vergelyking, verslawing en die verspreiding van goddelose inhoud. Baie mense spandeer ure om deur hul toestelle te blaai in plaas daarvan om God te soek. Platforms het dikwels swak beskerming teen skadelike inhoud. Voorbeeld: TikTok lok die jeug tot roekelose en skadelike dade, verhoog dwaasheid bo wysheid en trek harte weg van God se waarheid. Vra die Here om regverdige leiers op te rig om goddelike wette en beskerming teen skadelike, verslawende inhoud in te stel en om regerings as instrumente van Sy geregtigheid te gebruik (Spreuke 29:2). Bid vir die Vader om hierdie geslag wakker te maak uit digitale afleiding en te leer om hul dae só te gebruik dat hulle wysheid bekom en om Christus bo vlietende tendense te soek. (Psalm 90:12)

  10. KUNSMATIGE INTELLIGENSIE (KI) EN VALSE ONDERRIG. Maar toets dit alles, behou wat goed is, en bly weg van alles wat sleg is. (1 Thessalonisense 5:21-22).KI-instrumente kan preke, Bybelopsommings of selfs 'chatbots' produseer wat hulle as Christen geestelike gidse voordoen. Alhoewel dit nuttig is, kan hierdie hulpmiddels die Skrif verdraai of kettery bevorder as dit nie gekontroleer word nie. Etiese riglyne en wette wat KI in die konteks van godsdiens beheer, is steeds in ontwikkeling. Voorbeeld: KI-gegenereerde 'preke' het nie die Gees se salwing nie en slaag nie daarin om die Woord van God getrou aan te bied nie. Bid vir die vestiging van duidelike etiese grense rondom KI om God se Woord teen verdraaiing te beskerm en vra Hom om elke valse stem met Sy waarheid stil te maak (Galasiërs 1:8).• Vra die Vader om gelowiges onderskeidingsvermoë te gee om alle leringe teenoor die Skrif te toets en bid vir Sy Gees, nie masjiene nie, om harte na die waarheid te lei (Hand 17:11)

  11. PORNOGRAFIE EN SEKSUELE UITBUITING OP DIE INTERNET. Julle moet niks met seksuele losbandigheid te doen hê nie. Elke ander sonde wat 'n mens doen, vind buite sy liggaam plaas, maar iemand wat seksueel losbandig lewe, vergryp hom aan sy eie liggaam. (1 Korintiërs 6:18).Die Internet het pornografie maklik toeganklik gemaak, suiwerheid vernietig, mensehandel aangevuur en baie gelowiges verslaaf. Alhoewel sommige regerings wetgewing daarteen maak, is die handhawing daarvan swak. Voorbeeld: Ongeveer 90% van tieners word voor die ouderdom van 18 aan pornografie blootgestel. Roep uit tot die Here om die kettings van wellus en pornografie aanlyn te breek en vra Hom om bekering, genesing en verlossing van die verslaafdes te bring (Psalm 51:10). Vra die Vader om regverdige wette op te rig om uitbuiting aan die kaak te stel, die kwesbares te beskerm en die huwelik as Sy heilige verbond te eer (Hebreërs 13:4).

  12. VIRTUELE REALITEIT (VR) EN ONTVLUGTING. Rig julle gedagtes op die dinge wat daarbo is, nie op die dinge wat op die aarde is nie. (Kolossense 3:2).VR skep gesimuleerde wêrelde waar mense die werklikheid kan ontsnap. Terwyl dit vir evangelisasie gebruik kan word, gebruik baie dit vir goddelose vermaak, losmaking van die werklike gemeenskap, of selfs virtuele immoraliteit. Wetgewers probeer tred hou met die etiese risiko's van VR. Voorbeeld: VR-speletjies normaliseer dikwels sondige gedrag, bevorder geweld, wellus en goddelose keuses, wat gedagtes vorm om onsedelikheid in plaas van God se waarheid te aanvaar. Vra vir die Here om virtuele ruimtes tot Sy eer te gebruik en om die goddelose inhoud te vernietig wat harte van Christus af weglok. Bid vir die Here om gelowiges te help om ontvlugting te weerstaan, hulle in die ewige hoop te anker en wetgewers wysheid te gee om VR met geregtigheid te reguleer (1 Petrus 1:13).

  13. BIOTEGNOLOGIE EN GENETIESE INGENIEURSWESE. U het my gevorm, my aanmekaargeweef in die skoot van my moeder. (Psalm 139:13).Vooruitgang soos genetiese redigering (CRISPR) beloof genesing, maar wek ook etiese bekommernisse:ontwerpersbabas, die verandering van God se skepping en die waardering van 'volmaaktheid' bo waardigheid. Sommige lande het menslike geenredigering verbied, terwyl ander daarmee vorentoe beweeg. Voorbeeld: In 2018 het wetenskaplikes in China menslike embrio's geredigeer, wat wêreldwye kommer oor etiek, veiligheid en inmenging met God se heilige plan vir lewe veroorsaak het. Vra die Here om die heiligheid van die lewe te bewaar en tegnologieë te blokkeer wat probeer om Sy skepping buite genesende doeleindes te herskryf (Genesis 1:27). Bid dat die Here wetgewers sal lei om regverdige en Bybelse grense rondom biotegnologie te vestig en toekomstige geslagte te beskerm teen aanmatigende pogings om 'God te speel'.

  14. TOESIG, PRIVAATHEID EN GODSDIENSVRYHEID. As jy vir mense bang is, kan jy in 'n strik beland, maar as jy jou vertroue in die Here stel, is jy veilig. (Spreuke 29:25).Tegnologie laat massa-toesig toe deur gesigsherkenning, data-insameling en aanlynopsporing. In sommige lande word dit gebruik om Christene te monitor en te vervolg. Voorbeeld: Gelowiges in China word deur gesigsherkenningskameras opgespoor terwyl hulle ondergrondse kerke bywoon. Roep uit tot die Here om vervolgde gelowiges teen onregverdige toesig te beskerm en hulle onder die skadu van Sy vlerke weg te steek (Psalm 91:1-2). Vra die Here vir strenger etiese wette wêreldwyd om privaatheid n vryheid van aanbidding te beskerm en om Sy mense te leer om Hom as hulle toevlug te vertrou (Jesaja 41:10).

  15. VERMAAKLIKHEIDSTEGNOLOGIE EN AFGODERY. Liewe kinders, bly dus weg van die afgode af. (1 Johannes 5:21).Vermaak oorheers die moderne kultuur met byvoorbeeld videospeletjies tot stromingsdienste. Baie mense bestee meer tyd aan die media as aan God. Vermaak kan 'n afgod word, wêreldse waardes bevorder en geestelike honger verdof. Voorbeeld: Netflix-kykery bo persoonlike toewyding. Vra die Here om afgode wat in vermaak verborge is, bloot te lê en om hierdie geslag terug te roep om Hom met onverdeelde harte te aanbid (Matteus 22:37). Bid vir die Here om gesinne en kerke te help om gesonde ritmes te skep waar gebed, Skrif en diens swaarder weeg as wêreldse vermaak (Kolossense 3:16).

ree







Groete in Jesus Christus.

‘n Wonderlike Geseënde Week vir elkeen.

Johan Lourens.


{Van die gebedsversoeke is geneem uit die Jerigo Mure gebedsgids en Open Doors gebedsversoeke.}


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministry and Ministry Team:

Capitec Bank, Branch: 470010, Account: 153 718 3077.{Sending/Mission}



Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference

 
 
 

Comments

Committed to Bringing Glory to His Name
  • Whatsapp
  • Telegram
bottom of page