top of page
Search

12 MEI 2025. WEEKLIKSE MANNA EN GEBEDSVERSOEKE.

  • Writer: missions3
    missions3
  • May 9
  • 8 min read

DEO VOLENTE MISSION
DEO VOLENTE MISSION

12 Mei 2025


Liewe Vriende.


“Want julle het nie ontvang 'n gees van slawerny om weer te vrees nie, maar julle het ontvang die Gees van aanneming tot kinders, deur wie ons roep: Abba, Vader!”{Romeine 8:15}


In Romeine 8:15 herinner die apostel Paulus die gelowiges aan die kragtige waarheid van hulle nuwe identiteit in Christus. Die gees van slawerny wat die mens vasbind, is nie die gees wat God vir ons bedoel het nie. Vrees en angs oor ons waarde en plek in die wêreld is kenmerke van slawerny – ‘n slaaf is nie vry nie, en kan nie in sy eie naam roep nie. Maar wat God vir ons gegee het, is die Gees van aanneming, die Heilige Gees, wat ons verbind aan God, nie as slawe nie, maar as kinders. Hierdie Gees stel ons in staat om na God toe te roep: Abba, Vader.


"Abba" is ‘n intieme term, wat dieselfde is as "pappa" of "daddy". Dit beteken dat ons verhouding met God nie oor afstand is nie, maar uitdrukking van 'n nabye en liefdevolle band. Ons is nie meer vreemdelinge of buitestaanders nie, maar volle kinders van die Almagtige God. Ons het die reg om in Sy teenwoordigheid te kom, nie uit vrees of slawerny nie, maar as geliefde seuns en dogters.


Daar is baie wat ons in hierdie wêreld kan slawe maak – ons angste, ons skuld, ons mislukkings. Maar deur Christus het ons nie meer die gees van slawerny nie. Ons is bevry. Ons kan staan in die vryheid wat Christus aan ons gegee het en roep met volle oortuiging, Abba, Vader.


Gebed: Heer, dankie dat U vir ons die Gees van aanneming gegee het, wat ons toelaat om na U te roep as ons geliefde Vader. Help ons om nooit weer in die slawerny van vrees en skuld te leef nie, maar om die vryheid en vrede wat ons in U het, ten volle te ervaar. Mag ons verhouding met U dieper en meer intiem raak elke dag. Ons roep uit die diepte van ons harte, Abba, Vader, en weet dat U ons liefhet, ongeag wat ons deurmaak. In Jesus se Naam, Amen.

 

Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. MIANMAR.Bid vir Mianmar, wat in sy vyfde jaar van toenemende gewelddadige konik tussen die regerende weermag en rebellegroepe is. Miljoene mense is ontwortel, en oplossings, selfs ʼn wapenstilstand, is nêrens in sig nie Goed gevestigde kerke is aangeval. Bid spesiek vir genesing en herstel vir getraumatiseerde gelowiges in die Christelikemeerderheidstate Chin, Kachin en Kayah. Na beraming is 2,8 miljoen burgers uit hul huise ontwortel, waarna hulle in oorvol IDP-kampe woon of na die nabygeleë oerwoud vlug. Vra God om oor hul gesondheid te waak. Bid saam met pastoor Yang* en sy vrou. Hulle is gedwing om uit hul tuisdorp te vlug, waar hy as ʼn onderwyser en jeugpastoor gewerk het. Bid vir die egpaar se stabiliteit. Hulle moes al herhaaldelik verhuis.Ten spyte daarvan dat hy ontwortel is, is pastoor Yang passievol daaroor om ander ontwortelde gelowiges te dien en die Evangelie met hulle te deel. Hy het ʼn vennootskap met Geopende Deure aangegaan om noodsaaklike ondersteuning aan vervolgde Christene te bied. Bid vir hulle Goddelike beskerming.Pastoor Mun* is ook gedwing om uit sy gemeenskap te vlug. “Ons moet ons huise verlaat vir ons veiligheid. Ons kan nie meer na ons kerke toe gaan nie,” sê hy. Bid vir leiding terwyl hy onderskei wat die volgende stappe vir hom en sy gesin is. Moe Moe*, ʼn gelowige van Kayah-staat, is herhaaldelik weens die geweld ontwortel. “Dit is uitdagend om elke keer te vlug,” sê sy. Bid vir vrede en deursettingsvermoë vir jou suster. Moe Moe en haar man het deelgeneem aan vervolgingsoorlewings-opleiding wat deur Geopende Deure-vennote gelei is. Vra God om ons vennoot, pastoor David*, te seën, wat ver gereis het om hulle te leer hoe om op ʼn Bybelse manier te reageer wanneer hulle vervolging ervaar. Bid saam met pastoor Myint* en sy vrou, May*.Hulle het alles verloor as gevolg van hul passie om die Evangelie te deel. Plaaslike dorpenaars – bemagtig deur die staatsgreep – het hul huis vernietig en hul familie gedreig. May vra ons om te bid: “Baie gelowiges word weens die oorlog en vervolging ontwortel, en ons het kontak met hulle verloor. Bid asseblief dat hulle getrou sal bly aan Jesus.” Bid vir God se voorsiening en genade teenoor pastoor Myint en sy vrou. Hulle gesondheid is swak. Bid vir hulle genesing en ook vir hulle kinders, wat saam met hul ouers vervolging en pyn ervaar.

  2. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  3. IRAK.Bid vir ons plaaslike vennoot wat projekvoorstelle bestudeer vir mikrolenings-projekte vir Irakse Christene wat nansieel sukkel.Vra God vir wysheid en onderskeidingsvermoë vir die vennote wat hierdie lenings oorweeg en toestaan. Bekeerde Moslems is Irak se kwesbaarste Christelike gemeenskap, wat vatbaar is vir familieverwerping, werksdiskriminasie en selfs siese geweld. Bid vir geleenthede vir hierdie volgelinge om samesyn met ander Christene te hê. Bid vir Irakse gelowiges wat die eerste en enigste Christene in hul families is. Bid vir innerlike krag terwyl hulle ondersoeke en vyandigheid in die gesig staar, en vir sensitiwiteit vir Geesgeleide geleenthede om ander van Jesus te vertel.

  4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  5. PALESTINA. Ons veldspan rapporteer dat daar ʼn lang pad vir Christene in Gasa voorlê om hul lewens en eiendom te herstel ná die geweld wat hulle ervaar het. Bid dat hulle van die trauma en oorlogswonde sal genees. Bid vir ons plaaslike vennootorganisasie in Gaza (naam weerhou weens veiligheidsredes). Bid vir hul pogings om genesing aan getraumatiseerde gelowiges te bring, spesiek vir die beraders. Bid vir hulle woorde en onderskeidingsvermoë. Bid vir hoop en vrede vir die Christene wat in Gasa agtergebly het – dat God hulle en hul toekoms sal lei soos net Hy kan doen. Bid dat Hy dié wat oorbly, sal versterk. (Openbaring 3:2).

  6. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan/camper of parkhome sal kry. Dit is ‘n krises tans, maar ons weet God sal voorsien en is nooit te laat nie.

  7. SENTRAAL-ASIË.Bid saam met die 16-jarige student, Alim, wat weens sy geloof uit sy kollege geskors is. Hy het sy kamermaats en selfs onderwysers se geheime vrae oor sy geloof beantwoord, wat uiteindelik tot sy skorsing gelei het. Vra God om vir hom Christelike vriende te bring. As gevolg van die stres wat Alim ervaar het, het hy ernstige hoofpyne en verloor hy glo grootliks sy gehoor. Bid vir sy fisiese genesing en doeltrefende behandeling. Alim is nou in ʼn nuwe kollege. Hy is versigtiger oor met wie hy praat, maar hy bly ʼn getuie. “Ek kan nie ophou om oor Jesus te praat nie,” sê hy. “Ek sien dat mense Hom nodig het.” Bid vir Alim se beskerming. Alim se ouers, broers en susters lei ʼn groot Christelike bediening in ʼn land met ʼn Moslem-meerderheid. Bid dat God sy hand op hulle en hul diens sal hou. Prys die Here vir Daniël*, wat onlangs 25 jaar as Bybel-smokkelaar vir Geopende Deure gevier het. “Ek gebruik my ervaring en vaardighede om die Bybel op kreatiewe maniere na vervolgde gelowiges te bring,” sê hy. Daniel het die afgelope tien jaar spandeer om God se Woord in ʼn land met beperkings in te bring en vra spesiek vir gebede vir God se volgehoue beskerming. “God het elke keer deurgekom. Ja, elke keer,” sê hy. Bid vir Christene in Sentraal-Asië wat Jesus volg, en groeiende begrip van hul roeping en sending te midde van die Moslem-meerderheidsbevolking.

  8. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Enige bydrae sal verskriklik waardeer word. Maak die verwysing die land wat u ondersteun.

  9. DIE BELOFTE VAN DIE VADER. “Maar bly wag op die gawe wat die Vader belowe het, soos julle van My gehoor het. Johannes het wel met water gedoop,maar julle sal binne 'n paar dae met die Heilige Gees gedoop word." (Handelinge 1:4-5).Jesus het Sy dissipels bymekaargeroep en hulle beveel om nie Jerusalem te verlaat nie, maar om te wag vir die belofte van die Vader. Bid en vra die Here om jou te help om in gehoorsaamheid en met 'n verwagting te wag vir die beweging van Sy Gees. Vra die Vader om die harte van die Kerk voor te berei om die volheid van Sy belofte te ontvang. Vra die Heilige Gees om die Kerk te herinner aan elke belofte wat Jesus gespreek het en om haar voor te berei om getrou daarin te wandel.

  10. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

  11. Maand-Einde Verpligtinge. Bid asseblief en roep uit saam met ons na Abba Vader vir SY wonderwerk voorsiening. Ons is al in die tweede week van die nuwe maand en is nog nie in staat om ons maand-einde verpligtinge na te kom nie. Die kar se lisensie het ook verval en moet dringend hernu word.








Groete in Jesus Christus.

‘n Wonderlike Geseënde Week vir elkeen.

Johan Lourens


 “I would rather teach one man or woman to pray than ten men to preach!”  Charles Spurgeon


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street.

Winburg. 9420. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts Ministry:

First National Bank:FNB: Branch:250655.Account: 63 0834 99260.


Help to expand God's Kingdom by making an volantary donation!


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)


Giving is not just about making a donation. It is about making a difference



 
 
 

Comments

Committed to Bringing Glory to His Name
  • Whatsapp
  • Telegram
bottom of page