top of page
Search

11 November 2024. Weeklikse Manna en Gebedsversoeke.

  • Writer: missions3
    missions3
  • Nov 8, 2024
  • 8 min read

Deo Volente Sending

Weeklikse Manna en Gebedsversoeke.


11 November 2024.


Liewe Vriende.


“En toe Maglon en Giljon altwee sterwe, en die vrou sonder haar twee seuns en haar man oorbly, 6 het sy haar gereedgemaak met haar skoondogters en teruggegaan uit die veld van Moab, want sy het in die veld van Moab gehoor dat die HERE op sy volk ag gegee het deur aan hulle brood te gee. 7 So het sy dan haar woonplek verlaat en haar twee skoondogters saam met haar. Maar toe hulle op pad was om na die land Juda terug te gaan, 8 sê Naómi aan haar twee skoondogters: Gaan heen, draai om, elkeen na die huis van haar moeder; mag die HERE aan julle guns bewys soos julle aan die dode en aan my bewys het. Mag die HERE gee dat julle 'n rusplek vind, elkeen in die huis van haar man; en sy het hulle gesoen. Maar hulle het hul stem verhef en geween ”. {Rut 1:5-9}


Die boek Rut bestaan uit vier episodes. In Rut 1:1-22 lees ons van Naomi en haar man wat na Moab toe trek. Toe sterf haar man en seuns daar in die vreemde. Sy keer hierna as 'n arm weduwee na Betlehem toe terug. Haar Moabitiese skoondogter, Rut, besluit om saam met haar terug te gaan na Israel toe. Rut 2:1-23 vertel van Rut wat koringare gaan optel op die landerye van 'n ryk man, Boas. Op 'n dag loop Rut vir Boas raak. Sy vertel vir Naomi van die ontmoeting. In Rut 3:1-18 lees ons hoe Naomi vir Rut terugstuur na Boas toe om hom as haar nuwe man te probeer wen. Boas is immers ook familie van Naomi. Rut 4:1-17 vertel hoedat 'n ander familielid eers van sy wetlike reg om met Rut te trou afstand doen voordat Boas met haar trou. Hulle het later 'n seuntjie, Obed. Die boek sluit af met 'n kort geslagsregister van koning Dawid omdat Obed die oupagrootjie van hierdie groot koning van Israel is.


In dié boek ontdek ons dat die Here doodgewone mense soos Naomi en Rut gebruik om sy planne uit te voer. Net so gebruik Hy ons wat in 2024 op sy pad stap.


GEBED: Vader, lei my vandag in u volle waarheid en gebruik my, in Jesus Naam, Amen.


Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com


U kan ook meer details verkry asook vrae vra oor die bediening deur my te whatsapp op: 0834606914


“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”


Gebedsversoeke om voor die voete van Vader te lê:

  1. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

  2. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

  3. Sending Karavaan of Park Home.Die bediening het dringend 'n behoefte aan 'n karavaan of parkhome. Bid saam vir voorsiening vir 'n karavaan of parkhome en dat Vader se wil sal geskied en ons binnekort die regte karavaan/camper of parkhome sal kry. Dit is ‘n krises tans, maar ons weet God sal voorsien en is nooit te laat nie.

  4. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid spesiaal vir Pastoor Alex en Richard in Kenya wat geweldige uitdagings met hulle voertuie ervaar asook Anastancio in Mosambiek met sy voertuig.

  5. Colombië. Bid dat Geopende Deure se kindersentrum in Colombië in diepte en grootte sal groei. Bid dat die Kerk beweeg sal word om hierdie noodsaaklike bediening te ondersteun.

  6. Genesingskampe. Geopende Deure se vennote werk baie nou saam met kinders van die vervolgde Kerk. Hulle bied traumaberading en genesingskampe aan. Bid dat die Heilige Gees se genesende krag aan die werk sal wees.

  7. Bangladesj. Bid vir Rumana* vir beskerming. Sy is ʼn negejarige Christen-meisie in Bangladesj en word by haar skool geboelie, mishandel en geïsoleer omdat sy Jesus volg. Bid vir haar vir veerkragtigheid terwyl sy Jesus in hierdie vyandiggesinde omgewing dien.

  8. Sentraal-Asië. Bid vir Ginura*. Sy is die enigste gelowige in haar gesin. Sy is onlangs tydens ʼn geheime byeenkoms in ʼn huiskerk gedoop. (Om haar te beskerm, noem ons nie die land nie.) Bid dat sy gereeld kerk toe sal kan gaan.

  9. Sentraal-Asië. Kerkleiers in Sentraal-Asië het gevra dat ons vir alle gelowiges sal bid, aangesien strooptogte toenemend op kerke en huise uitgevoer word. “Bid dat ons geloof versterk sal word, sodat ons kan bly dien met ons koppe omhoog gelig.

  10. 10/40 Venster. 24 – 7 GEBED VIR HERLEWING.Die 10/40-Venster strek tussen 10 grade noordbreedte (Noord-Afrika) en 40 grade noordbreedte (Midde-Ooste en Asië). Dit word dikwels "Die Weerstandbiedende Gordel" genoem, en sluit die meerderheid van die wêreld se Moslem-, Hindoe- en Boeddhistiese nasies in. In hierdie eerste deel van 'n reeks van 3, 'Vervolging in die 10/40-Venster', bid ons vir hierdie broers en susters in Christus wat daagliks teenstand en vervolging ervaar weens hul geloof in Jesus, om getrou te bly te midde van lyding.

  11. ALGERIË – NOORD-AFRIKA. Bevolking: 46 814 308, Dominante godsdiens: Islam Evangeliese Christene: 0%. Die meeste Algerynse Christene ervaar daagliks teistering en diskriminasie in hul lewens en in hul gesinne. Hul gemeenskappe kan hulle dikwels probeer dwing om voort te gaan om Islamitiese norme en praktyke na te kom. Hulle ervaar ook druk – van beide die regering en hul omliggende gemeenskappe – om hul geloof in Jesus te verloën en na Islam terug te keer. Bid dat bekeerlinge Bybels, dissipelskapopleiding, traumaberading en pastorale sorg sal kan ontvang. Vra die Here om aan gelowiges wysheid en kennis te gee om hulle stabiliteit te wees, sowel as die krag van verlossing en die vrees van die Here om hulle skat te wees (Jesaja 33:6). Bid vir Christene om krag, wysheid en openbaring te hê om sterk te bly in hul geloof onder die onverbiddelike druk van regeringsspioene en veiligheidspolisie (Efesiërs 1:17).

  12. AZERBAIDJAN – OOS-EUROPA EN WES-ASIË. Bevolking: 10 336 577, Dominante godsdiens: Sjiïtiese Islam, Evangeliese Christene: 0,2%. Die onafhanklike media word voortdurend bedreig in Azerbaidjan. Joernaliste en stemme teen korrupsie staar gereeld teistering, tronkstraf en marteling in die gesig. Aanvalle op huiskerke neem ook toe, tesame met diskriminasie op grond van hul Christelike geloof. Bid. Vra die Here om toegewyde goddelike gelowiges op te rig in posisies van invloed om gemeenskappe te transformeer en die werke van die bose te vernietig. • Bid vir Moslem-agtergrondgelowiges in Azerbaidjan om sterk te bly te midde van vervolging en om geestelik te groei. • Vra vir die oorblywende klein groepie inheemse Christene om sterk in hul geloof te staan en nie terug te keer na Islam weens druk of vervolging nie.

  13. BANGLADESJ – SUID-ASIË. Bevolking: 173 562 364, Dominante godsdiens: Islam. Evangeliese Christene: Onbekend. Dwarsdeur Bangladesj is die kwesbaarste Christene diegene wat hulle van hul woongebied se meerderheidsgodsdiens tot die Christendom bekeer het. Vervolging het veral toegeneem in die vlugtelingkampe waar die Rohingya woon. Hulle het geen manier om te ontsnap of geregtigheid te vind nie -veral omdat die invloed van radikale Islamitiese groepe in die kampe toeneem. Vra God om Christene te help om te volhard te midde van die voortdurende weerstand wat hulle in die vlugtelingkampe ervaar. Bid dat hulle bonatuurlike moed sal hê om vir Jesus te bly staan, maak nie saak wat nie. Bid dat die Kerk in Bangladesj sal opstaan as 'n vredemakende en versoenende krag in die samelewing, wat hoop en genesing na gemeenskappe bring. Bid dat die vesting van korrupsie en hebsug in Bangladesj verbreek sal word, wat dikwels reg en geregtigheid belemmer en baie verhoed om die waarheid van die Evangelie te ervaar.

  14. BHOETAN – SUID-ASIË. Bevolking: 791 524, Dominante godsdiens: Boeddhisme, Evangeliese Christene: 0,4%. Die Christelike gemeenskap word burgerskap geweier, wat gelowiges se vermoë om sake te doen, vaste eiendom te besit of hoër onderwys te ontvang, negatief beïnvloed. Christene word ook gedwing om Boeddhistiese rituele te volg as deel van paramilitêre opleiding. Bid vir Christene wat familie, eiendom of besittings verloor het omdat hulle Jesus volg. Vra God om hulle te vertroos en Sy vrede te voorsien wat alle verstand te bowe gaan (Filippense 4:7). Bid vir gelowiges in Bhoetan om die Lig van die Here Jesus Christus in hulle lewens te skyn, sodat ander ook die Liefde van God sal wil ervaar (Romeine 2:19). Bid vir die vrylating van baie Christene wat in tronke ly.

  15. KAMBODJA – ASIË.Bevolking: 17 638 801, Dominante godsdiens: Boeddhisme. Evangeliese Christene: 1,6%. Inheemse kerkplanters het baie nuwe kerke gestig. Die oorweldigende sosiale en emosionele traumas in die verlede het mense oop gelaat vir die Evangelie. Volwasse Christelike leierskap is van kardinale belang om die kerke te mobiliseer om in die behoeftes van die mense vandag te voorsien. Bid vir duisende om na die Here te kom deur die verspreiding van Bybels. Bid vir eenheid onder Christene en Christelike organisasies en dat hul werk 'n toename in die aantal nuwe gelowiges tot gevolg sal hê. Vra dat die beperkende greep op die Christendom, deur die Kambodjaanse leierskap en regering, verslap word sodat Christelike getuienis maklik kan versprei.

  16. DJIBOETI – OOS-AFRIKA. Bevolking: 1 168 722, Dominante godsdiens: Soennitiese Islam Evangeliese Christene: 0,1%. Diegene wat die Moslem-geloof verlaat, word dikwels geslaan, gehaat en doodgemaak. Baie verdeeldheid het binne die Kerk plaasgevind as gevolg van stamgebondenheid en jaloesie. Eenheid en vrymoedigheid is nodig onder die dapper Christene. Djiboeti was die tuiste van 176 500 sosiale media-gebruikers in Januarie 2024,wat 15.4% van die totale bevolking verteenwoordig.

  17. GAMBIË – WES-AFRIKA.Bevolking: 2 759 988, Dominante godsdiens: Soennitiese Islam, Evangeliese Christene: 0,7%.nVervolging in hierdie nasie is laer as in die meeste omliggende lande. Negentig persent van die bevolking van Gambië is Moslems, maar daar is 'n mate van godsdiensvryheid en verdraagsaamheid. Christene, meestal Protestante, maak 5% van die bevolking uit. Bedieninge is nodig om die nie-Christelike meerderheid te bereik. Bid dat die kr an die Evangelie onder die Gambiërs bekend gemaak sal word. Bid vir dissipelskap en leierskapsopleiding om diegene wat in geïsoleerde en afgeleë gebiede woon, te bereik. Bid vir die Kerk om 'n diepe honger na God en Sy Woord, na herlewing, vrede en stabiliteit te hê.








Groete in Jesus Christus.

‘n Wonderlike Geseënde Week vir elkeen.

Johan Lourens


Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!


N.S. Druk gerus asseblief hierdie Manna uit en plaas op u gemeente se kennisgewingbord.


Ministry Projects and Services.

Please visit the prayer postbox at: https://missions3.wixsite.com/gennesaret-ministry


De Villiers Street, Winburg. Free State.

Cell: 083 4606 914.


For quick support of the ministry for as little as R50 please click on the following link for an online donation. Just R50.

or


“The gospel is only good news if it gets there in time.”(Carl F.H. Henry)


You can also deposit donations via Capitec Cellphone Banking just use Cell Number: 0618163516.


Bank Accounts:

Capitec Bank, Branch: 470010, Account: 153 718 3077.{Sending/Mission}

First National Bank:FNB: Branch:250655.Account: 63 0834 99260.


“Some wish to live within the sound of church and chapel bell. I want to run a rescue shop within a yard of hell!” (C.T. Studd)


Give, and it will be given to you; good measure, crushed down, full and running over, they will give to you. For in the same measure as you give, it will be given to you again. Luke 6:38.


Giving is not just about making a donation. It is about making a difference



 
 
 

Comments

Committed to Bringing Glory to His Name
  • Whatsapp
  • Telegram
bottom of page