11 Augustus 2025. Weeklikse Manna en Gebedsversoeke.

Deo Volente Sending

Weeklikse Manna en Gebedsversoeke.

11 Augustus 2025

Liewe Vriende.

“En wat julle ook al doen, doen dit van harte soos vir die Here en nie vir mense nie, omdat julle weet dat julle van die Here die erfenis as vergelding sal ontvang, want julle dien die Here Christus.” Kolossense 3:23-24.

Paulus se brief aan die Kolossense herinner ons daaraan dat elke taak, hoe klein of groot ook al, 'n geleentheid is om God te eer. Wanneer ons werk doen — of dit nou by die huis, op skool, by die werk of in die bediening is — is dit nie net vir mense nie, maar vir die Here self. Dit gee betekenis aan selfs die mees alledaagse pligte.

God kyk nie net na die eindresultaat nie, maar na die gesindheid van ons harte. Om iets "van harte" te doen beteken om dit met oorgawe, toewyding en opregtheid te doen. Dit beteken om nie halfhartig of net vir goedkeuring van mense te werk nie, maar met die wete dat God alles sien en waardeer.

Wanneer ons elke dag met daardie ingesteldheid leef en werk, dra ons by tot iets groters — ons bou aan ’n ewige erfenis. God belowe dat Hy dié wat Hom getrou dien, sal beloon. Daarom, moenie moed verloor as jou pogings nie raakgesien of erken word deur mense nie. God sien, God onthou, en God vergeld.

Laat hierdie week se manna jou herinner dat jou werk betekenis het, en dat jy roepingsgedrewe kan leef — want jy dien nie net 'n aardse baas nie, jy dien die Here Jesus Christus self.

Gebed: Here, help my om alles wat ek doen, van harte vir U te doen. Gee my 'n gesindheid van getrouheid, ywer en vreugde in elke taak. Laat my werk 'n weerspieëling wees van my liefde vir U, in Jesus Naam, Amen.

Die Weeklikse Manna en Gebedsversoeke is ook op die internet beskikbaar. BESOEK GERUS die volgende WEBWERF: https://lourensministries.wordpress.com

U kan ook meer details verkry asook vrae vra oor die bediening deur my te whatsapp op: 0834606914

“The first work of the whole Church is to give the Gospel to the whole world.” “If God wills the evangelization of the world, and you refuse to support missions, then you are opposed to the will of God.” “The Light that shines the farthest, shines the brightest nearest home.”

Gebedsversoeke om voor die voete van Vader te lê:

1. NIGERIË. Bid vir krag saam met Grace wat aanskou het hoe haar man, Joshua, wreed vermoor is omdat hy ʼn pastoor was. Bid saam met pastoor Elam,een van talle kerkleiers in Nigerië se Taraba-staat, wat deelneem aan leierskapsopleiding wat deur Geopende Deure se plaaslike vennote gelei word. Dankie dat julle hierdie opleiding moontlik maak. Pastoor Elam vra Geopende Deure-ondersteuners om te bid: “Bid vir eenheid in die Kerk. Tradisionele oortuigings het ook baie probleme veroorsaak. Bid vir God se wysheid oor hoe om met ons kudde te praat.” Pastoor Elam vra: “Bid dat God ons wysheid sal gee oor hoe om geloofwaardige leiers te word vir diegene wat ons lei en dien.” Grace het danksy die ondersteuning van Geopende Deure-vennote traumasorg by ons Shalom-sentrum ontvang, waar sy vertroosting gevind het en die wil om haar man se moordenaars te vergewe. “Hier kon ek uiteindelik vrede maak,” sê sy. Bid vir haar voortgesette genesing.

2. FILIPPYNE. Bid vir die negejarige Ehsan, wat Jesus vanuit Islam begin volg het. Hy ervaar intense druk by die skool weens sy geloof, aangesien hy weier om ʼn kopiah (Moslem-hooedekking) te dra. Hy is deur sy onderwyser gestraf en van die klas geïsoleer. Bid dat God Ehsan sal versterk om die anouery en isolasie te weerstaan. “Ek voel hartseer en bang wanneer hulle vir my sê ek moet die kopiah dra. My vriende lag vir my wanneer hulle my na die agterkant van die klas skuif,” sê hy. Vra God om Ehsan se geloof te versterk om standvastig in Christus te staan. Hy voel alleen in sy geloof, met min ondersteuning buiten sy biddende ouers. Bid dat God tasbare voorbeelde van Sy liefde en sorg sal openbaar. Bid dat God die harte van Ehsan se onderwysers en klasmaats sal versag en aan hom geleenthede sal gee om die liefde van Christus met hulle te deel. Ehsan weier weens sy liefde vir Jesus om inskiklik te wees. Bid vir Christene wat Jesus vanuit Islam begin volg het. Vra Hom om hulle te beskerm en te bemoedig wanneer hulle vir Hom opstaan.

3. Bediening-Sentrum Hulp. Bid vir voorsiening om die motorhuis te verander in ‘n bediening sentrum en vir die regte bouers en loodgieters.’n Sending Sentrum is ‘n noodsaaklike hulpmiddel vir ons om ons werk te doen in die gemeenskap en om te dien. Bid dat Vader se voorsiening kom op 'n manier wat ons nie verwag nie, en laat ons die wonder van SY voorsiening ervaar.

4. Bybels. Ons ondervind ‘n groot tekort aan Bybels, veral ENGELSE BYBELS. Bid asseblief saam vir Bybels in Engels, Chichewa, Tshonga en Portugees. As u kan ‘n Bybel borg vir so min as R100 betaal dit in die Capitec Sending Rekening: 153 718 3077 met verwysing: “BYBELS”.

5. Afrika-Bediening. Bid vir die Afrika bediening en die onderskeie koordineerders in Zambia, Zimbabwe, Malawi, Tanzania, Uganda, Kenya en Mosambiek. Bid asseblief vir ondersteuners om die Afrika Bediening te ondersteuen. Elke bydrae sal verskriklik waardeer word. Maak die verwysing die land wat u ondersteun.

6. Winburg Bediening. Bid asseblief vir die bediening op Winburg. Die aanvalle is kwaai met verskeie uitdagings. Mag God Sy hand oor die bediening hou, lewens verander, en die werkers versterk. Bid vir beskerming, voorsiening en leiding, sodat alles tot God se eer sal wees.

7. Voertuig. Bid asseblief saam met ons vir voorsiening van ‘n bakkie vir die bediening. ‘n Bakkie is noodsaaklik vir die bediening en het ons ‘n groot behoefte aan ‘n goeie dubbel-kajuit bakkie.

8. Beijing – China (Oos-Asië). Bid vir die verkondiging van die Woord in 'n land waar gelowiges in Beijing swaar vervolging en regerings beperkings ervaar. Vra dat God evangeliste, leraars en herders oprig wat die waarheid met vuur en nederigheid sal bring. Bid vir geestelike insig, volharding en herlewing onder beide geregistreerde en ondergrondse kerke. Mag daar 'n toename wees in geloofsgemeenskappe wat standvastig bly, ondanks die uitdagings. Bid dat daar ‘n honger na God se Woord sal wees en dat die Gees vrylik kan beweeg. Vra vir beskerming van leiers en bedieninge. Vas en bid dat arbeiders in hierdie moeilik-bereikbare stad geplant word om ware, blywende vrug voort te bring.

9. Teheran – Iran (Midde-Ooste). Bid vir 'n geestelike ontwaking in Teheran, waar Christene slegs 'n klein persentasie van die bevolking uitmaak en ernstige regs-gevolge en die dood kan ervaar weens hul geloof. Vra vir vrymoedige evangelisasie en dat die Here nuwe ondergrondse gemeentes sal plant. Bid vir hoop en ondersteuning onder gelowiges wat vervolg word en vir geloofsgemeenskappe wat in die geheim byeenkom. Mag die Lig van Christus helder skyn in hierdie donker plekke. Vra vir kreatiewe en veilige maniere van dissipelskap en groei. Bid vir geestelike vestings wat moet val, en vir verligting van wetlike onderdrukking. Mag miljoene Jesus se liefde persoonlik leer ken.

10.  Muscat – Oman (Arabiese Skiereiland). Bid vir die ontwaking van die plaaslike Omaanse bevolking vir die Evangelie, want tans is daar geen bekende inheemse evangeliese gelowiges nie. Vra vir goddelike strategieë om die Kerk te mobiliseer vir sendingwerk en dissipelskap, selfs in verborge en beperkte omgewings. Bid vir die versterking van die ondergrondse kerk en vir gemeenskappe van geloof om met mekaar verbind te word. Vra vir wysheid vir kerkplanters en leiers om effektief te werk binne die kultuur en wetlike beperkinge. Mag God se teenwoordigheid so kragtig wees dat selfs regeringsamptenare deur Hom aangespreek word. Bid vir 'n atmosfeer van geestelike honger en oë wat oopgaan vir die waarheid.

11. Jakarta – Indonesië (Suidoos-Asië). Bid dat God 'n getuie sal oprig onder professionele mense in Jakarta, sodat hulle met integriteit en deernis Jesus in die markplek sal verteenwoordig. Vra vir beskerming teen diskriminasie en vervolging, en vir dapperheid om hul geloof openlik te leef. Mag hulle lig wees in elke sektor – onderwys, regering, gesondheid, en media. Bid dat hul lewens só anders sal wees dat dit die kultuur beïnvloed en harte voorberei vir die Evangelie. Bid vir goddelike ontmoetings in kantore, vergaderings en strate. Vra dat God se vrede en reën van herlewing op die stad sal neerdaal. Bid vir Gebedswandelings in openbare ruimtes kan strategies wees om die atmosfeer te verander..

12. Khartoum – Soedan (Noord-Afrika). Bid vir die strategiese uitbreiding van die Evangelie in Khartoum, waar die Kerk, ten spyte van vervolging, aanhou groei. Vra dat gelowiges met eenheid, wysheid en vrymoedigheid sal optree in die beplanning van evangelisasie, aanbiddings byeenkomste en dissipelskap. Bid dat God elke kreatiewe poging van die ondergrondse kerk sal seën en beskerm. Mag daar vrye ruimtes ontstaan waar mense veilig die Evangelie kan hoor en aanneem. Bid vir 'n kragtige beweging van die Heilige Gees onder jongmense en vir genesing op plekke soos hospitale, waar God se liefde prakties beleef word. Vra vir strategiese toegang tot invloedryke sektore.

13. Parys – Frankryk (Europa). Bid dat God die evangeliese kerk in Parys sal versterk, ondanks die sekulêre kultuur en beperkte fasiliteite. Vra dat geloofsgemeenskappe, wat in gehuurde ruimtes vergader, bonatuurlike genade sal ervaar vir volgehoue bediening. Mag die Here eenheid bring tussen verskillende denominasies en kulture om Sy lig sterker te laat skyn. Bid vir strukture wat volhoubare dissipelskap kan dra en nuwe gelowiges effektief kan anker. Vra vir 'n opwekking onder Franse jeug en gesinne. Mag die lig van Christus elke distrik van die stad binnekom. Stilte- of kersliggebede kan simbolies wees van die lig wat in die duisternis skyn.

14. Islamabad – Pakistan (Suid-Asië). Bid vir sosiale geregtigheid en geestelike verandering in Islamabad, waar Christene dikwels onderdruk word deur godslasterings wette en vrees vir ekstremistiese aanvalle. Vra dat gelowige leiers met vrymoedigheid en wysheid die Evangelie sal uitleef en verkondig aan alle vlakke van die samelewing – van regerings kantore tot universiteite en gewone huise. Bid dat die kerk effektief sal wees in liefdesdade, barmhartigheid, en regverdige optrede. Mag Jesus sigbaar wees in aksie, nie net in woord nie. Vra vir beskerming van digitale en fisiese evangelisasie. Mag elke hand wat voed, dien en vertroos, ‘n kanaal van God se geregtigheid en teenwoordigheid wees.

Groete in Jesus Christus.

‘n Wonderlike Geseënde Week vir elkeen.

Johan Lourens

 “I would rather teach one man or woman to pray than ten men to preach!”  Charles Spurgeon

Baie, baie dankie vir elkeen wat Bid vir ons. Baie. Baie dankie vir elkeen wat ons en die bediening ondersteun. Julle is vennote en het 'n aandeel in elke siel wat gered word vir die Koninkryk!

N.S. Druk gerus asseblief hierdie Manna uit en plaas op u gemeente se kennisgewingbord.

Ministry Projects and Services.

1. Daily Intersession and Prayer. https://missions3.wixsite.com/gennesaret-ministry

2. Internet counseling and coaching. https://missions3.wixsite.com/gennesaret-ministry

3. Weekly Devotions, https://lourensministries.wordpress.com & https://missions3.wixsite.com/gennesaret-ministry/blog

4. National Director for Change a Nation. https://missions3.wixsite.com/gennesaret-ministry

5. Prophetic Ministry. https://missions3.wixsite.com/gennesaret-ministry

6. Marriage Preparation. https://missions3.wixsite.com/gennesaret-ministry

7. Leadership training-Africa Countries.{Malawi, Kenya, Zambia & Mozambique} https://missions3.wixsite.com/gennesaret-ministry

   
   

Please visit the prayer postbox at: https://missions3.wixsite.com/gennesaret-ministry

E-Mail:lourensministries@mail.com

Website:https://missions3.wixsite.com/gennesaret-ministry

P.O.Box 100

Winburg. 9420. Free State.

Cell: 083 4606 914.

For quick support of the ministry for as little as R50 please click on the following link for an online donation. Just R50.

https://gogetfunding.com/change-a-nation-2/

or

https://gogetfunding.com/deo-valente-mission/

“The gospel is only good news if it gets there in time.”(Carl F.H. Henry)

You can also deposit donations via Capitec Cellphone Banking just use Cell Number: 0618163516.

Bank Accounts Ministry:

First National Bank:FNB: Branch:250655.Account: 63 0834 99260.

Help to expand God's Kingdom by making an volantary donation!

Give, and it will be given to you; good measure, crushed down, full and running over, they will give to you. For in the same measure as you give, it will be given to you again. (Luke 6:38)

Giving is not just about making a donation. It is about making a difference